| e-texts navigator |
| Wylie |
257b1 ཟླའི་ངང་ཚུལ་དེས་བཟུང་ནས།། སངས་རྒྱས་རྡོ་རྗེ་ཙ་ན་ཀ། ཤེས་རབ་ཡུམ་དང་ལྡན་པར་བསྒོམ།། ལམ་དུ་ཞུགས་ལ་དེ་ལུས་ད་གང་།། དེ་གོམས་བློ་བདེ་གསལ་སྤྲོ་ཐིམ།། དེ་བཞིན་རིགས་རྣམས་ཨཱིཾ་དུ
257b2 བསྒོམ།། སྣོད་གནས་བདེ་ལྡན་ཁེངས་འགྱུར་བར།། མཱཾ་གྱི་ཚོགས་ཀྱང་གསལ་བར་གནས།། ཕྱག་རྒྱ་སྙིང་པོ་གཟུགས་ལ་སོགས།། རིགས་དང་མཐུན་པར་རྣམ་པར་བསམ།། བརྟན་པ་ཨ་ཡི་འཕྲོ་འདུ་ལྟར།། རྣམ
257b3 ཤེས་བྱིན་བརླབ་དང་དུ་བརྟག། གཞི་རྩ་མེད་པའི་སེམས་ཉིད་ལས།། ཡིད་བཞིན་ཡི་གེའི་སྤྲིན་ཚོགས་བསྒོམ།། ཕྱག་རྒྱ་ཤིན་ཏུ་གསལ་བ་ན།། ཉེ་བའི་བསྙེན་པ་ཡིན་པར་བསྒྲགས།། འཕྲོ་འདུ་རིགས་དང་མཐུན་པའི
257b4 གྲངས།། བསྒོམས་ནས་བཟླས་དང་མངོན་སུམ་ན།། ལྕགས་ཀྱུ་མཆོག་གི་ཕྱག་རྒྱ་བཅིང་།། དེས་ནི་འདོད་པ་བཞིན་དུ་འགྱུར།། རང་བཞིན་སྐུ་གསུང་འདུས་མ་བྱས།། གཞན་དབང་མ་ཡིན་རྡོ་རྗེའི་རིགས།། དཔལ
257b5 ལྡན་རྡོ་རྗེ་སྒྱུ་འཕྲུལ་ཡུམ།། ཤིན་ཏུ་ཆས་ཀྱིས་སྒེག་པ་ལ།། གསལ་བར་འདོད་པ་སྒྲ་བྱ་བ།། སྤྱི་གཙུག་ཁ་དང་སྙིང་ག་མཚན། འབྲུ་ལྔས་བྱིན་བརླབ་ལམ་དུ་བརྟག། དེ་ཉིད་གོམས་ལས་གསང་མཚན་པ།། ལཱཾ་གྱི
257b6 ཚོགས་ཀྱི་ལྷ་རྣམས་བསྒོམ།། སངས་རྒྱས་སྤྱན་གྱི་སྦྱོར་བ་ལས།། རྒྱལ་བ་ཐམས་ཅད་བྱིན་གྱིས་བརླབ།། དེ་ཉིད་མཐའ་བྲལ་མི་དམིགས་ལས།། རང་བཞིན་མཆོག་གི་གཟུགས་བཅས་ནས།། སངས་རྒྱས་རྡོ་རྗེ་ཙན
iiif viewer powered by OpenSeadragon
