| e-texts navigator |
| Wylie |
257a1 གཟུགས།། དམག་མང་མཐུ་དཔུང་གོ་མཚོན་བཟང་།། ཞེ་སྡང་ཅན་རྣམས་གདུལ་བར་འགྱུར།། འདོད་པ་ཅན་རྣམས་འདུལ་བ་དང་།། ང་རྒྱལ་ཆེན་པོ་འདུད་པར་འགྱུར།། དེ་ཡིས་བསྟན་པ་འཛིན་པར
257a2 བྱེད།། དེ་ཡི་འཁོར་ལ་ལོངས་སྤྱོད་ཅིང་།། གནས་པར་དགའ་བ་བཞན་དུ་འགྱུར།། དེ་ཡི་ལུས་ལས་འབྱུང་འདོད་ན།། སྙོམས་པས་ཁྲོ་ཞིའི་གཟུགས་བཟུང་ལ།། དལ་བུས་ཧཱུཾ་ཞེས་བརྗོད་པ་ཡིས།། མི་སྣང་བ་ཡི།
257a3 གཟུགས་སུ་འཆར།། བདག་གི་ལུས་ལ་ཆུད་པར་འགྱུར།། གླིང་ངམ་དུར་ཁྲོད་གནས་རྣམས་སུ།། ང་ཡི་འདོད་པ་ཆོས་དབང་གིས།། སྒྱུ་འཕྲུལ་དཀྱིལ་འཁོར་མཆོག་འཛིན་ལ།། དྲ་བའི་དཀྱིལ་འཁོར་ཡོངས་ཀྱིས
257a4 འབྱུང་།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས། དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་རླབས་འབྱུང་བའི་ལེའུ་སྟེ་སོ་དགུ་པའོ།། །། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས། ཉིད
257a5 ཆེ་བའི་ཡོན་ཏན་སྟོན་པའི་ཕྱིར།། འགྲོ་བ་སེམས་ཅན་གྱི་དོན་ཆེད་དུ་དེ་བཞིན་ཉིད་ཀྱི་དབྱིངས་འདི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་།། དཔལ་ཉིད་ཀྱི་མཆོག་རིགས་ཀྱི་ཡུམ།། དབབ་པར་བྱ་བའི
257a6 གཟུགས་བརྙན་ལ།། སྤྱི་གཙུག་ཁ་དང་སྙིང་ག་མཚན།། འབྲུ་ལྔས་བྱིན་བརླབས་མཱཾ་དུ་བརྟག། དེ་ཉིད་གོམས་ལས་གསང་མཚན་པ།། མཱཾ་གྱི་ཚོགས་ཀྱི་ལྷ་རྣམས་བསྒོམ།། དེ་ཉིད་མཐའ་བྲལ་མི་དམིགས་ལས།། དེ
iiif viewer powered by OpenSeadragon
