| e-texts navigator |
| Wylie |
256b1 དགའ་བ་བཞིན་དུ་འགྱུར།། དེ་ཡི་ལུས་ལས་འབྱུང་འདོད་ན།། རྒྱས་པ་བདག་གིས་གཟུགས་བཟུང་ལ།། དལ་བུས་སྟྭཾ་ཞེས་བརྗོད་པ་ཡིས།། བདག་གི་ལུས་ལ་གཟུད་པར་འགྱུར།། ཐམས་ཅད་མ་ལུས་ཕྱག་རྒྱ
256b2 ཉིད།། ཆོས་སྐུ་མཆོག་གི་རྟེན་གྱུར་པ།། ཕྱོགས་ཀུན་གང་བར་གསལ་བར་བསྒོམ།། དེ་ཉིད་དག་ལམ་ཀུན་ཁེངས་པར།། ཨཱཾ་གྱི་ཚོགས་སུ་ཤིན་ཏུ་བསྒོམ།། ལུས་ཉིད་ཨཱཾ་གྱི་ཚོགས་སུ་བསྟིམ།། གང་ལ་བྱ
256b3 བའི་གཟུགས་བཟུང་ནས།། ཁ་དོག་དམར་པོའི་ཚོན་ཕྱེ་ཡིས།། དེ་ཡི་སྙིང་ལ་བདག་ཞུགས་ལ།། ཨཱཾ་ཞེས་བྱ་བའི་སྔགས་བཟླས་ནས།། རྒྱལ་མོ་ཞང་བློན་དབང་ཆེན་དང་།། ཅི་འདོད་ཡིད་བཞིན་དབང་དུ་འགྱུར།། དེ
256b4 ཡི་འཁོར་ལ་ལོངས་སྤྱོད་ཅིང་།། གནས་པར་དགའ་བ་བཞིན་དུ་འགྱུར།། དེ་ཡི་གཟུགས་ལས་འབྱུང་འདོད་ན།། དབང་གི་བདག་གི་གཟུགས་གཟུང་ལ།། དལ་བུས་ཨཱཾ་ཞེས་བརྗོད་པ་ཡིས།། བདག་གི་ལུས་ལ་ཆུད
256b5 པར་འགྱུར།། ཐམས་ཅད་མ་ལུས་ཕྱག་རྒྱ་ཉིད།། ཆོས་སྐུ་མཆོག་གི་རྟེན་གྱུར་པ།། ཕྱོགས་ཀུན་གང་བར་གསལ་བར་བསྒོམ།། དེ་ཉིད་ངག་ལམ་ལུས་ཁེངས་པར།། ཧཱུཾ་གྱི་ཚོགས་སུ་ཤིན་ཏུ་བསྒོམ།། ལུས་ཉིད་ཧཱུཾ་གྱི
256b6 ཚོགས་ལ་བསྟིམ།། གང་ལ་བྱ་བའི་གཟུགས་བཟུང་ནས།། ཁ་དོག་ལྗང་གུའི་ཚོན་ཕྱེ་ཡིས།། དེ་ཡི་སྙིང་ནང་བདག་ཞུགས་ལ།། ཧཾ་ཞེས་བྱ་བའི་སྔགས་བཟླས་ནས།། ལས་ཀྱི་རིགས་ཆེན་གང་འདོད
iiif viewer powered by OpenSeadragon
