| e-texts navigator |
| Wylie |
255a1 ཡིད་བཞིན་སྐང་བར་བྱེད།། ཉོན་མོངས་སྡུག་བསྔལ་སེལ་བར་བྱེད།། འདོད་ལྔ་ཡོན་ཏན་ལྡན་པར་བྱེད།། དངོས་གྲུབ་ཆེན་པོ་བླ་མེད་པའོ།། བདུད་རྩི་ཆར་བཞིན་འབེབས་པར་བྱེད།། སྒོ་བཞིར་ཕྱག
255a2 རྒྱ་དག་དང་ལྡན།། ཨ་མྲྀ་ཏ་ཡི་རྒྱུ་ཉིད་ནི།། བྱང་ཆུབ་སེམས་དང་ཤ་ཆེན་དང་།། དྲི་ཆུ་དྲི་ཆེན་མཱཾ་སར་བཅས།། པདྨ་རཀྟ་ལ་སོགས་དང་།། གཞན་ཡང་འདོད་ཡོན་སྣ་ཚོགས་རྣམས།། དབྱེའམ་ཡང་ན་མི་དབྱེ
255a3 བར།། བདུད་རྩི་ཉིད་དུ་བྱིན་གྱིས་བརླབ།། རྟོག་པའི་བག་ཆགས་སྦྱང་བའི་ཕྱིར།། གཙང་སྨེ་མེད་པར་དག་པར་བྱ།། དབྱིངས་སུ་ཡང་ནི་བསྟིམ་པར་བྱ།། ཕྱག་རྒྱ་འོད་ཟེར་འབར་བར་བསྒོམ།། བཞི་བརྒྱ་རྩ་བཞིའི
255a4 ནད་སེལ་ཞིང་།། དུག་གསུམ་སྡུག་བསྔལ་མེད་པ་དང་།། བསྐལ་པ་ཡུན་རིང་གནས་པ་དང་།། དངོས་གྲུབ་ཆེན་པོ་འཐོབ་འགྱུར་ཏེ།། ཚོགས་གཉིས་རྫོགས་པར་ཡང་དག་གསུངས།། བདག་ཉིད་ཡི་གེ་ཧཱུཾ་གྱུར
255a5 ནས།། ལོངས་སྤྱོད་ལྔ་ལྡན་ཐམས་ཅད་ལ།། ཨོཾ་ཨཱཾ་ཧཱུཾ་དུ་གྱུར་པར་བསྒོམ།། འོད་འཕྲོ་འབར་ཞིང་ཕྱོགས་བཅུར་སྤྲོ།། སླར་འདུས་འོད་འཕྲོ་བདུད་རྩིར་འབར།། ཤིན་ཏུ་གསལ་ཞིང་རྩེ་གཅིག་བསྒོམ།། གཞན་ཡང་ཡི
255a6 གེའི་ཚོགས་པས་གདབ།། འཐུང་ན་ངན་སོང་སྒྲིབ་པ་སྦྱང་།། ཏྲ་ཐཱ། རྟག་བསྟེན་དངོས་གྲུབ་མཆོག་ཀྱང་འགྲུབ།། བཞི་བརྒྱ་རྩ་བཞིའི་ནད་སེལ་ཞིང་།། ལྷ་ལ་རྟག་ཏུ་མཆོད་བྱས་ན།། བདག་དང་གཉིས་སུ་མེད་པར
iiif viewer powered by OpenSeadragon
