| e-texts navigator |
| Wylie |
254a1 བཅུ་དུས་བཞིར་འཕྲོ་བའོ།། མཱཾ་བདག་ཉིད་ཤེས་རབ་འོད་གསལ་ཏེ།། ལེ་ལོ་གཡེང་བ་སེལ་བར་བྱེད།། ཐུགས་རྗེ་མྱུར་བ་ལས་བྱུང་བ།། རྒྱལ་བ་ཀུན་ཏུ་ཐོགས་མེད་པའོ།། ཉོན་མོངས་ལས་རྣམས
254a2 དག་བྱེད་ཅིང་།། དབུགས་ཆེན་དག་ཀྱང་འབྱིན་པར་བྱེད།། དུག་རྣམས་སྦྱོང་བ་སྐུ་གསུམ་སྟེ།། ལམ་ལྔ་སྦྱོང་བ་ཡེ་ཤེས་ལྔ།། འཁོར་བའི་རྩད་གཅོད་ཤེས་རབ་མཚོན།། ཧཱུཾ་དུ་བསྡུས་ཤིང་ཧོཿཡིས་གཡེང་།། རཾ་གྱིས
254a3 བསྲེགས་ཤིང་ཕཊ་ཀྱིས་འཕང་།། ཐབས་དང་ཤེས་རབ་འབྲེལ་བ་ཡི།། ཐིག་ལེའི་དབྱིངས་སུ་ཐིམ་པར་བྱ།། དེ་ནས་གཉིས་མེད་དབྱིངས་གྱུར་ནས།། ཡེ་ཤེས་སེམས་དཔའི་སྐུ་རུ་བསྒོམ།། འབྲུ་གཅིག་འབྲུ་གསུམ
254a4 འབྲུ་ལྔ་བསྒོམ།། བཞི་བཅུ་རྩ་གཉིས་མ་ལུས་དང་།། སངས་རྒྱས་དཀྱིལ་འཁོར་ཚང་བར་བསྒོམ།། ང་མེད་བདག་མེད་ཕྱག་རྒྱར་གསལ།། དེ་ནས་ལོངས་སྤྱོད་ལྔ་ཀུན་ལ།། ཡེ་ཤེས་ལྔ་དང་རིགས་ལྔ་དང་།། ལྷ་མོ་ལྔ
254a5 དང་སྨན་ལྔར་བསྒོམ།། ཨོཾ་ཧཱུཾ་ཏྲཱཾ་ཧྲཱིཿ། ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུཾ་ཕཊ། ཨོཾ་བི་ཤུདྡྷེ་ཨ་མྲྀ་ཏ་ཧཱུཾ་ཕཊ། ཨོཾ་དྷརྨ་ཨ་མྲྀ་ཏ་ཧཱུཾ་ཕཊ། ཨོཾ་ཨཱཿཧཱུཾ། ཞེས་བརྗོད་པས་ཐམས་ཅད་དག་པར་གྱུར།། དབྱིངས་སུ་ཐིམ
254a6 པས་བདུད་རྩིར་གྱུར།། ས་ཆུ་མེ་རླུང་ནམ་མཁའ་རྣམས།། རང་བཞིན་མེད་པར་གཞིག་པའི་ཕྱིར།། གཅིག་ལའང་ལྔ་ལྔར་དབྱེ་བྱ་ཞིང་།། མཱཾ་གྱི་དབྱིངས་སུ་བསྟིམ་པར་བྱ།། འབྱུང་བ་ཆེ་རྣམས་དེ་དག་ལས།། ལྷག
iiif viewer powered by OpenSeadragon
