| e-texts navigator |
| Wylie |
253b1 བཞིན།། གཞན་ཡང་དགོས་པ་སྣ་ཚོགས་འགྲུབ།། རྐྱེན་ལས་བྱུང་བའི་དུག་རྣམས་དང་།། རྩ་བའི་དུག་དང་སྦྱར་བའི་དུག། ཀླུ་དུག་རྦོད་གཏོང་དུག་ལ་སོགས།། ཐུགས་རྗེ་ཆེན་པོའི་བྱིན་རླབས་ཀྱིས།། དུག
253b2 རྣམས་ཐམས་ཅད་གདུལ་བའི་ཕྱིར།། དཀྱིལ་འཁོར་མ་ལུས་ཚང་བར་བསྒོམ།། གནས་ལྔ་དག་ཏུ་འབྲུ་ལྔ་བསྟིམ།། ཨཱ~ཾ་ཧཱུཾ་ཏྲཱཾ་ཧྲཱིཿ་ལ་སོགས། ཡང་ན་ཡི་གེ་ཨཾ་གིས་བྱ།། ཡང་ན་ཡི་གེ་ཧྲཱིཿཡིས་དགང་།། དུག་རྣམས
253b3 བདུད་རྩིར་བསྐུར་བར་བྱ།། མཉམ་པའི་དབྱིངས་སུ་ཐིམ་པར་བྱ།། ཨ་ཧོ། རྡོ་རྗེ་གསང་བའི་ཚིག་ཏུའོ།། ཧཱུཾ་བདག་ཉིད་ཞེ་སྡང་རྡོ་རྗེ་སྟེ།། ཐུགས་རྗེས་བདག་རྟོག་འདུལ་བར་བྱེད།། ང་དང་བདག་མེད་དབྱིངས་སྦྱོར
253b4 ཞིང་།། བྱམས་པའི་ཐུགས་དང་ལྡན་པའོ།། ཨོཾ་བདག་ཉིད་གཏི་མུག་ཆེན་པོ་སྟེ།། རྨོངས་པའི་ནད་རྣམས་སེལ་བར་བྱེད།། ཡེ་ཤེས་འོད་ཟེར་གསལ་བའི་ངང་།། ཐམས་ཅད་འབྱུང་བའི་འཁོར་ལོའོ།། ཏྲཱཾ་བདག་ཉིད་ང
253b5 རྒྱལ་ཡོན་ཏན་ཏེ།། སྙིང་རྗེས་འགྲོ་དོན་འཕེལ་བར་བྱེད།། ཞི་བའི་བློ་ཆེན་དབྱིངས་སུ་སྦྱོར།། ཡོན་ཏན་རྒྱ་མཚོ་དཔག་མེད་པའོ།། ཧྲཱིཿབདག་ཉིད་འདོད་ཆགས་གསུང་མཆོག་སྟེ།། ཉོན་མོངས་ལས་རྣམས་དག་པར
253b6 བྱེད།། ཉོན་མོངས་སྡུག་བསྔལ་རྣམ་པར་དག། ཆགས་མེད་སེམས་ནི་བྱང་ཆུབ་པའོ།། ཨ་བདག་ཉིད་ལས་ཀྱི་སེམས་དཔའ་སྟེ།། དོན་རྣམས་མ་ལུས་འགྲུབ་པར་བྱེད།། ལོག་རྟོག་མ་ལུས་འདུལ་བའི་མཆོག། ཕྱོགས
iiif viewer powered by OpenSeadragon
