| e-texts navigator |
| Wylie |
253a1 འབྱུང་བ་ལྔ་ལས་སྐྱེས།། ཐམས་ཅད་གཙང་ཞིང་དྲི་མེད་ལས།། རྣམ་རྟོག་མི་མཐུན་སོ་སོར་འགྱུར།། ལ་ལའི་སྨན་ལ་ལ་ལའི་དུག། སྨན་དུ་མ་གྱུར་གང་ཡང་མེད།། དུག་ཏུ་མ་གྱུར་གང་ཡང
253a2 མེད།། ཐམས་ཅད་མ་ལུས་རྒྱུ་གཅིག་ལས།། མི་མཐུན་ཁྱད་པར་སོ་སོར་སྣང་།། སུས་ཀྱང་མ་བྱས་སུས་བྱེད་ཡོད།། རྣམ་རྟོག་ཞགས་པས་སོ་སོར་བཅིངས།། ལུས་གནས་ལོངས་སྤྱོད་སྣ་ཚོགས་དང་།། སྡུག་བསྔལ
253a3 འཁྲུལ་འཁོར་མ་ལུས་དང་།། ཁམས་གསུམ་ཕྱིན་ཅི་ལོག་བཞི་དང་།། དུས་གསུམ་འགྲོ་ལྔ་ཐམས་ཅད་དང་།། ཉོན་མོངས་སྡུག་བསྔལ་ཐམས་ཅད་སྦྱོང་།། རྣམ་པར་ཐར་པ་ལྟ་རྫོགས་བྱེད།། ས་བཅུ་རྫོགས་ཤིང
253a4 སངས་རྒྱས་ས་ཡང་རྫོགས།། དེ་ཕྱིར་སྨན་འདི་བསྒྲུབ་པར་བྱ།། ཀུན་ལ་ཕན་པའི་སྨན་ཡིན་པས།། དེ་ཕྱིར་ང་དང་བདག་མ་འཛིན།། གཙང་དང་སྨེ་བའི་བློ་རྟོག་པོར།། ཐམས་ཅད་མཉམ་པ་ཉིད་དུ་སྤྱོད།། རྩ་བ་བྱང
253a5 ཆུབ་སེམས་ཉིད་རྟོགས།། ཐབས་ཀྱི་ཕ་རོལ་ཕྱིན་ལ་སྤྱོད།། སྙིང་རྗེས་ཆུད་མ་ཟོས་པར་གྱིས།། བདུད་རྩིའི་མཆོག་ནི་མཉམ་པའི་དབྱིངས།། བདུད་རྩིའི་དོན་ནི་སྐྱེ་ཤི་མེད།། བདུད་རྩིའི་གནས་ནི་བྱང་ཆུབ
253a6 སེམས།། བདུད་རྩིའི་ལས་ནི་རྣམ་རྟོག་སྦྱོང་།། བདག་ནི་དཔལ་རྫོགས་འགྲོ་དོན་མཛད།། སྨན་གྱི་བྱིན་རླབས་བསམ་མི་ཁྱབ།། ངན་སོང་སྦྱངས་ཤིང་མཐོ་རིས་འགྲུབ།། གསེར་འགྱུར་སྨན་དང་མུན་སེལ
iiif viewer powered by OpenSeadragon
