| e-texts navigator |
| Wylie |
251b1 རྣམས།། དེ་ཡི་དབྱིངས་ནས་འབྱུང་བ་ནི།། འདོད་པའི་བདག་ལ་ཤིན་ཏུ་བརྟག། མི་གནས་ནམ་མཁའི་མཐའ་ཀླས་པར།། གོམ་པས་འདོད་པར་འདོད་པ་དང་།། ཆུ་ལ་ས་བཞིན་འགྲོ་བ་དང་།། བསྲེག་བྱ་འབར་བའི
251b2 དབུས་གནས་དང་།། ཚ་བ་རླུང་གིས་བཏེག་ནས་ཀྱང་།། ཕྱོགས་བཅུ་ཀུན་ཏུ་ཕྱིན་པར་འགྱུར།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས། རྡོ་རྗེ་སྙིང་པོ་ལས་ཐམས་ཅད་ཀྱི་ལེའུ་སྟེ་སོ་དྲུག་པའོ།། །། དེ
251b3 ནས་བཅོམ་ལྡན་འདས་དགྱེས་པ་ཆེན་པོས། གསང་བའི་སྙིང་པོ་འདི་བརྟན་པར་འཛིན་པའི་དོན་ཆེད་དུ་བརྗོད་པ་འདི་བརྗོད་དོ།། དེ་ཉིད་ཆོས་དབྱིངས་མཉམ་སྦྱོར་བས།། སངས་རྒྱས་ཀུན་བདག་བྱིན་གྱིས
251b4 བརླབ།། འདི་མན་གྱི་ལཾ་འདི་རྣམས་ལ་ལས་ཞེས་དང་ཚོན་ཟེར་བ་རྣམས་ལ་ཚོགས་ཞེས་པའང་འདུག། ཀྵ་ལཾ་ཨ་ཡི་ཚོན་བཞིན་དུ།། སྒྱུ་འཕྲུལ་དྲ་བའི་ཏིང་འཛིན་བསྒོམ།། ལུགས་སུ་བླུགས་པ་བཞིན་དུ་ནི།། དེ་ཉིད
251b5 ཡིད་ལམ་མཆོག་གྲུབ་པའོ།། དེ་ཉིད་གསལ་བར་མཉམ་སྦྱོར་ལས།། སངས་རྒྱས་ཀུན་བདག་བྱིན་གྱིས་བརླབ།། ཨོཾ་ལཾ་ཨ་ཡི་ཚོན་བཞིན་དུ།། སྒྱུ་འཕྲུལ་དྲ་བའི་དཀྱིལ་འཁོར་བསྒོམ།། ལུགས་སུ་བླུགས་པ་བཞིན་དུ
251b6 ནི།། དེ་ཉིད་གཟུགས་ལམ་མཆོག་གྲུབ་པའོ།། དེ་ཉིད་མཉམ་ཉིད་མཉམ་སྦྱོར་ལས།། སངས་རྒྱས་ཀུན་བདག་བྱིན་གྱིས་བརླབ།། སྟྭཾ་ལཾ་ཨ་ཡི་ཚོན་བཞིན་དུ།། སྒྱུ་འཕྲུལ་དྲ་བའི་དཀྱིལ་འཁོར་བསྒོམ།། ལུགས
iiif viewer powered by OpenSeadragon
