| e-texts navigator |
| Wylie |
251a1 པ།། མ་སྐྱེས་པ་ཡི་ཡི་གེར་བསྒོམ།། བྱ་བ་ཆོས་ཁམས་དེ་ཡི་ཚོགས།། མཱཾ་དུ་བྱིན་བརླབས་ཡི་གེར་བསྟིམ།། བརྟན་པ་ཨ་ཡི་འཕྲོ་དུ་ཡིས།། ནམ་མཁའ་བཞིན་དུ་ཤིན་ཏུ་བསྒོམ།། བརྟན་འགྱུར་ཨ་ཡི
251a2 སྙིང་པོ་བཟླས།། ཉམས་སུ་ལོན་པར་མ་གྱུར་ཚེ།། འཇུག་པའི་ཡིད་དང་ཉམས་སུ་སྦྱོར།། དང་པོའི་གནས་སུ་ཤེས་པ་དང་།། རྣམ་པ་མང་པོར་མཉམ་དུའོ།། དེ་ལས་མི་སྣང་གཟུགས་ཞི་བ།། རབ་ཏུ་བློ་ཡི་ཐེག་གནས
251a3 ནི།། གཞན་དུ་ནམ་ཡང་མི་བསྟན་ཅིང་།། ཞོན་དང་སྤྱན་དང་འཚོང་ལ་སོགས།། ལོངས་སྤྱོད་རྣམ་པར་སྦྱོར་བ་དང་།། རྫས་ཀྱི་ནོར་ཕྱིར་མ་ཡིན་ནོ།། རྨོངས་ལ་འཕྱར་དང་བརྩོན་འགྲུས་ཞན།། ནམ་ཡང་སྦྱིན་པར་མ
251a4 གསུངས་ཏེ།། སྨད་པ་བམ་གྱི་གཏེར་བཞིན་དུ།། སུས་ཀྱང་ཕྱིན་པར་མ་གསུངས་ལ།། སྲོག་ཆད་ཁ་ཡི་གཏམ་བཞིན་དུ།། ནམ་ཡང་སྨྲ་བར་མི་བྱའོ།། བྱེད་པ་རྡོ་རྗེ་ཀྵ་ཡི་ཚོགས།། བཞི་བཅུ་རྩ་བཞིའི་གླེང་གཞིའི
251a5 ལམ།། ཀུན་ཏུ་བཟང་པོ་ཐབས་ཚུལ་པ།། ཚོམ་བུ་གསུམ་གྱི་ལྷ་རྣམས་བསྒོམ།། ཆོས་ཁམས་བྱ་བ་ཨ་ཡི་ཚོགས།། བཞི་བཅུ་རྩ་གཉིས་གླེང་སློང་བ།། ཀུན་ཏུ་བཟང་མོ་ཤེས་རབ་ཚུལ།། ཀཱ་ལ་ཡེ་ཤེས་ཟུགས
251a6 ཀྱི་ཐུགས།། ཚོམ་བུ་གསུམ་གྱི་ལྷ་རྣམས་བསྒོམ།། དེ་ཡི་ཆོས་ཁམས་ཨ་ལ་བསྟིམ།། ཆོས་ཀྱི་ཆོས་ཉིད་བྱ་བའི་དབྱིངས།། ཀུན་ཏུ་བཟང་མོ་བདེ་བའི་ཡུམ།། དེ་ཡི་ངང་དུ་ཚོགས་ཀུན་བརྟག། ས་ཆུ་མེ་རླུང་འབྱུང་བ
iiif viewer powered by OpenSeadragon
