| e-texts navigator |
| Wylie |
250b1 རྣམས།། འཇིགས་པའི་གཟུགས་ཀྱིས་གནས་པར་བྱེད།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས། དེ་བཞིན་གཤེགས་པ་ཐམས་ཅད་ཀྱི་དམ་ཚིག་གདུག་པའི་ཚོགས་བྱིན་གྱིས་རློབས་པ་ཞེས་བྱ་བའི་ལེའུ་སྟེ་སོ
250b2 ལྔ་པའོ།། །། དེ་ནས་དེ་བཞིན་གཤེགས་པ་ཐམས་ཅད་དགོངས་པ་གཅིག་ཏུ་གྱུར་ནས། དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ལ་ཆེད་དུ་བརྗོད་པ་འདི་བརྗོད་དོ།། བྱེད་པ་རྡོ་རྗེ་མཆོག་ཉིད
250b3 ཀྱིས།། སྒྱུ་འཕྲུལ་ལམ་གྱི་དཀྱིལ་འཁོར་ལས།། དྲ་བའི་དཀྱིལ་འཁོར་མངོན་རྫོགས་པར།། འཇུག་པའི་ཡིད་ཀྱི་དགོངས་པ་ཡིན།། ཤིན་ཏུ་ཕྲ་ལས་སྦྱངས་པ་ནི།། དཀྱིལ་འཁོར་བཞི་བཅུ་གཉིས་ཀྱིས་མཛེས།། ཚོམ
250b4 བུ་གཉིས་ཀྱི་བྱེ་བྲག་ཏུ།། སྤྲོ་ཞིང་བསྡུ་བའང་དེ་བཞིན་ནོ།། ཡིད་དུ་འོང་བའི་ས་གཞིར་ནི།། རྐང་མཐིལ་ཐིག་གདབ་དཀྱིལ་འཁོར་བྲི།། ཨོཾ་དང་མཱཾ་གྱི་དཀྱིལ་འཁོར་བསྒོམ།། དེ་ལ་རྡོ་རྗེ་ཕྲ་མོས་གང་།། ཕྲ་རབ་ས
250b5 བསྡུས་མཐིལ་དུ་གཟུང་།། ཡུམ་གྱི་ཚོགས་སུ་གསལ་བར་བརྟག། གང་གི་ཡུལ་ཡང་དབང་དུ་འགྱུར།། མི་མཐུན་གཟུགས་སུ་བརྟག་པ་ནི།། དྲ་བའི་འདུ་འཕྲོས་དེ་ལུས་བཞུ།། ལུགས་མ་བཞིན་དུ་ཧཱུཾ་དུ་བརྟག། དེ
250b6 ལས་འོད་བཞིན་མཐིལ་དུ་གཟུང་།། གསང་གནས་ངག་ལམ་ཧཾ་དུ་བྱ།། རླུང་ལྷའི་སྟེང་དུ་མཁས་པས་གཞག། དྲག་པོ་ལྕེ་ཡི་སྦྱོར་བ་ཡི།། གླིང་ཁམས་གཞན་དུ་ཤིན་ཏུ་གཏང་།། བདག་ཉིད་ཧཱུཾ་གི་ཚོགས་བཅས
iiif viewer powered by OpenSeadragon
