| e-texts navigator |
| Wylie |
250a1 ཡོན་ཏན་དང་ཕྲིན་ལས་ལས་ཐུགས་ཀྱི་དཀྱིལ་འཁོར་ཐིག་ལེ་ཆེན་པོ་ཞེས་བྱ་བ་འདི། ཉིད་ཀྱི་རྡོ་རྗེ་ཐིག་ལེ་ཆེན་པོའི་དམ་ཚིག་སྒྱུ་འཕྲུལ་དྲ་བ་ལས་ཕྱུང་ངོ་།། ཨོཾ་ཁྲག་མང་རྦ་ཀློང་འཁྱིལ་པ་ཡི།། ཀེང
250a2 རུས་ཚོགས་ཀྱི་རི་རབ་འབུམ།། འདུས་པའི་ཚོམ་བུ་ལྔ་ཡི་རི།། འཁོར་ལོ་རྩིབས་བཞི་འབར་བའི་ཁང་།། གྲུ་ཆད་བཞིས་བརྒྱན་རབ་བརྗིད་པའི།། གྲུ་བཞི་སྒོ་ཁྱུད་བཞི་དང་ལྡན།། འབར་བའི་བར་ཁྱམས་གཉིས་ཀྱིས
250a3 མཛེས།། ཐོད་སྦྲུལ་སྣ་ཚོགས་ཉི་ཟླས་བརྗིད།། ཏ་ན་མང་པོ་ལྷ་ཆེན་བརྟན།། དགྱེས་པ་ཆེན་པོ་ཀུན་ཏུ་བཟང་།། ཕྱག་དང་ཞབས་ནི་བརྒྱན་པ་ཡི།། ཐོད་སྦྲུལ་སྣ་ཚོགས་ཉི་ཟླས་བརྗིད།། འཇིགས་བྱེད་ཆེན་པོ་ཁྲག
250a4 འཐུང་བའི།། རྡོ་རྗེ་སྙིང་པོ་ཐིག་ལེའི་ཐུགས།། དབུ་གསུམ་ཕྱག་དྲུག་ཞབས་བཞིར་བགྲད།། ཁྲོ་མོ་བཞིས་མཆོད་ངོས་བཞིར་ནི།། དགྱེས་པ་ཆེན་པའི་ཚུལ་འཆང་བ།། ཕྱོགས་བཞིར་གྲ་དང་བཅས་པར་ནི།། སྤྲུལ་པའི
250a5 རྣལ་འབྱོར་ཕྲ་མེན་རྣམས།། རི[:]རབ་ཞིང་ཆེན་སྟེང་ན་གནས།། འབར་བའི་ཕྱག་བསྣམས་ཆེན་པོ་ནི།། རྡོ་རྗེ་དུང་ཆེན་གང་བ[:]དང་། པདྨའི་གཞལ་མེད་རྡེའུ་ཆུང་བརྡུང་།། ཞིང་གི
250a6 ཞགས་པས་འཆིང་བ་དང་།། ཁ་ཊྭཱཾ་འཕེན་ཅིང་འཁྲིལ་བ་སྟེ།། བཙུན་མོ་འཛིན་པའི་ཚོགས་དང་བཅས།། གནས་དང་ཡུལ་གྱི་ཕྱག་རྒྱ་དང་།། སྒོ་བཞིར་ཕྱག་རྒྱ་རབ་མཛེས་པར།། བྲན་མོའི་ཚོགས་ཆེན་མང་པོ
iiif viewer powered by OpenSeadragon
