| e-texts navigator |
| Wylie |
249b1 ཕྱག་དྲུག་ཏུ་གནས་ཏེ་གཉིས་སུ་མེད་པར་བཞུགས་སོ།། དེ་ནས་དེ་ཉིད་དུ་སྐུ་དང་དབུ་དང་ཕྱག་དང་ཞབས་དང་འཁོར་སྟོང་ཁམས་ཀྱི་རྡུལ་རྙེད་དུ་འཇིགས་བྱེད་ཆེན་པོ་བསམ་གྱིས་མི་ཁྱབ་པས་ཁེབས་པར་མཐོང
249b2 ངོ།། དེ་ནས་ཡང་བདུད་ཆེན་པོ་ས་འཛིན་གྱི་རྒྱལ་པོས། སྐྱེས་བུ་ཆེན་པོ་ས་འཛིན་གྱི་བདག་པོ་ཐོང་ཐོང་དེ་ལྟ་བུ་བྱེད་དམ་ཞེས་པ་ལས། དེ་ནས་ཡང་དགྱེས་པ་ཆེན་པོའི་བདག་ཉིད་ཀྱིས། ཨོཾ་ཨ་བྷི་ཙ་ར་པ་ཤི་ན། ཧཱུཾ
249b3 ཧཱུཾ་ཧཱུཾ། ཞེས་བརྗོད་པས། དམ་པའི་བསྟན་པ་རྡོ་རྗེའི་ཐེག་པ་སྨོད་ཅིང་འགྲོ་བའི་རྣལ་འབྱོར་པ་ལ་གནོད་པའི་ཚོགས་འཁོར་བསམ་གྱིས་མི་ཁྱབ་པ་དང་། གཡོག་དང་ཡང་གཡོག་ཏུ་བཅས་པའི་བདུད་ཆེན་པོ་དེ་དག
249b4 ཉིད་ཀྱི་ཡིད་ཀྱིས་གདུངས་ཏེ། རབ་ཏུ་བརྒྱལ་ནས། མ་མཐོང་བར་རྨོངས་པའི་གནས་རང་དབང་མེད་ཅིང་དྲན་པ་མེད་པར། ཀེང་རུས་ཀྱི་རི་རབ་ཆེན་པོའི་འོག་ཞབས་ཀྱི་གནས་སུ་ཕྱིན་པར་གྱུར་ཏོ།། དེ་ནས
249b5 འཇིགས་བྱེད་ཆེན་པོས་ཏིཥྛ་བཛྲ། ཨཱཾ་ཨཱཾ་ཞེས་པས། གདུག་པའི་བློ་དང་བྲལ། མི་མཐུན་པའི་ལུས་བརྫེས་ཏེ། ལྷ་ཆེན་པོའི་ཚོགས་འདུལ་བའི་འཁོར་ལོས་བསྒྱུར་བའི་རྒྱལ་པོ་ཆེན་པོར་གནས་པར་གྱུར་ཏོ།། དེ་ནས
249b6 དགྱེས་པ་ཆེན་པོའི་དཔལ་འཇིགས་བྱེད་ཆེན་པོས་དེ་དག་གི་དཀྱིལ་འཁོར་སྒྱུ་འཕྲུལ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་དང
iiif viewer powered by OpenSeadragon
