| e-texts navigator |
| Wylie |
249a1 རབ་ཆེན་པོའི་འོག་ཏུ་གནས་པར་གྱུར་ཏོ།། ལ་ལ་ནི་མངོན་སུམ་ཅན་མར་རི་རབ་ཆེན་པོའི་འོག་ཏུ་གནས་པར་གྱུར་ཏོ།། དེ་ནས་ཡངས་འཛིན་གྱི་རྒྱལ་པོ་ཞེས་བྱ་བ་གདུག་ཅིང་ཞེ་སྡང་ཆེ་བ་དད་པ་མེད
249a2 ཅིང་རྡོ་རྗེའི་ཐེག་པ་སྨོད་པ་ཞིག། ཡོངས་ཀྱི་འཇིག་རྟེན་གནས་པ་མཁྱེན་ཏོ།། མཁྱེན་ནས་ཏིང་འཛིན་དེ་ལས་བཞེངས་ནས། ཨོཾ་པདྨ་ས་མ་ཡོ་གི་ནཱི་རུ་ལུ་རུ་ལུ་རུ་ལུ་ཧུཾ། ཞེས་བརྗོད་པས། ཀུན་ཏུ་སྐུ་ཆགས་པའི
249a3 བདག་ཉིད་དང་། ཀུན་ཏུ་གསུང་ཆགས་པའི་ཆ་ལུགས་དང་། ཀུན་ཏུ་ཐུགས་ཆགས་པར་གྱུར་པ་དང་། ཀུན་ཏུ་རིན་པོ་ཆེ་ཆགས་པ་ཆེན་པོ་དང་། ཀུན་ཏུ་ཕྲིན་ལས་ཆགས་པ་ཆེན་པོར་གྱུར་ཏེ། ཤར་དང་། ལྷོ་དང་།
249a4 ནུབ་དང་། བྱང་དང་། དབུས་ཆེན་པོར་ཁྲག་གི་རྦ་ཀློང་། ཀེང་རུས་ཆེན་པོའི་རི་རབ་ཆེན་པོ་ན་དུས་ཀུན་དང་དེ་ཉིད་དུ་སྣང་བར་གྱུར་ཏོ།། དེ་ཡང་ཀུན་ཏུ་སྐུ་ལྔ་འཇིགས་པའི་གཟུགས་བསམ་གྱིས་མི་ཁྱབ་པ་དང་།
249a5 ཀུན་ཏུ་གསུང་ལྔའི་ང་རོ་བསམ་གྱིས་མི་ཁྱབ་པ་དང་། འཇིགས་བྱེད་བསམ་གྱིས་མི་ཁྱབ་པ་དང་། ཀུན་ཏུ་ཐུགས་ལྔའི་རོལ་པ་དང་། ཞལ་བསམ་གྱིས་མི་ཁྱབ་པས་འཇིགས་པ་དང་། རིགས་ལྔ་ཚོམ་བུ་ཆེན་པོའི་སྟེང
249a6 དུ་གནས་པར་གྱུར་ཏོ།། དེ་ལས་མཆོག་གི་སྙིང་པོ་ཆེན་པོ། མ་ཧཱ་རཏྣ་ཏི་ལ་ཀའི་དབུར་གྱུར་པ་ལས། རབ་ཏུ་སྐུ་གསུང་ཐུགས་སྤྲས་པའི་གཞལ་མེད་ཁང་ན། འཇིགས་བྱེད་ཆེན་པོའི་ཐིག་ལེའི་སྙིང་པོ་ཉིད་དབུ་གསུམ
iiif viewer powered by OpenSeadragon
