| e-texts navigator |
| Wylie |
247a1 བརྗོད་པ་འདི་བརྗོད་དོ།། དེ་བཞིན་གཤེགས་པའི་སྐུ་གསུང་ཐུགས།། ཆོས་དབྱིངས་རྣམ་དག་དཀྱིལ་འཁོར་རོ།། གསང་སྔགས་སྤྱི་ཡི་དཀྱིལ་འཁོར་ལས།། ཤེས་འཇུག་ཡུལ་གྱི་དཀྱིལ་འཁོར
247a2 བསྒོམ།། རྒྱང་གྲགས་དཔག་ཚད་ལ་སོགས་དང་།། ལུས་གང་ལུས་དོ་གསུམ་གྱི་ཚད།། རང་གི་རིག་པས་ཅི་ནུས་པར།། སྒྱུ་འཕྲུལ་དྲ་བའི་དཀྱིལ་འཁོར་བསྒོམ།། གནོད་བསྐྲད་ས་གནོན་བྱིན་གྱིས་བརླབ།། ལྗོན
247a3 པ་ལྕུག་ཕྲན་སྡོང་གཅིག་དང་།། མེ་རེག་མཚོན་གྱིས་བྲི་བཞིན་དུ།། གོམས་པར་བྱ་བའི་ཏིང་འཛིན་དབབ།། འཇིགས་བྱེད་སྐུ་གསུང་ཐུགས་འཁོར་བཟླས།། གནས་དང་ཟླ་དང་རྫས་རྣམས་ནི།། ཚོགས་ཀྱི་མཆོག་ཏུ
247a4 དམིགས་པས་གཞག། དང་པོར་མཆོད་སྦྱིན་དམ་པས་མཆོད།། གཟུགས་དང་ལུགས་ཆེན་དུང་མཆོག་ནི།། ཅི་འདོད་སྣང་བར་བདག་གིས་དགོད།། འཇིགས་བྱེད་དབང་དུ་བདག་ཞུགས་ནས།། ཁྲོ་མོ་ཇི་སྙེད་འཁོར
247a5 དུ་བྱ།། བར་ཆད་ཏིང་འཛིན་མཆོག་གིས་བཟློག། གསང་བའི་སྙིང་པོར་ཉིད་བཤམས་ཏེ།། འདས་པ་བདག་ཏུ་མཉམ་སྦྱར་ཞིང་།། ཐུགས་ཀྱི་སྔགས་ཀྱིས་སྤྱན་དྲངས་ནས།། བདག་གི་ལུས་ལ་ཞུགས་ཚུལ་དུ།། དེ་ཡི
247a6 གཟུགས་གཟུང་མཆོག་ཏུ་བསྟིམ།། ཛཿཞེས་ལན་གསུམ་བརྗོད་པས་ན།། དེ་ཉིད་བསོད་ནམས་ལུས་ཐོབ་ཅིང་།། ཡེ་ཤེས་ལྔ་ཡི་དངོས་གྲུབ་སྦྱིན།། ཕོ་ཉ་འཕྲོ་འདུ་མང་པོ་རྣམས།། དེ་ཡི་དགོས་པ་བྱེད་པར
iiif viewer powered by OpenSeadragon
