| e-texts navigator |
| Wylie |
244a1 གཟུགས་དང་དབུར་གྱུར་པ།། ཕྱག་དང་ཞབས་སུ་རྣམ་པར་བརྟགས།། བརྟགས་པ་ལས་ནི་འཕྲོས་པའི་སྐུ།། ཅི་ཡང་མེད་ལས་ཅིར་ཡང་སྣང་།། བསྐལ་བཟང་མཆོག་གི་སྒྱུ་འཕྲུལ་པ།། དྲ་བའི་དཀྱིལ
244a2 འཁོར་རབ་ཏུ་རྫོགས།། བརྟགས་པ་ཟིལ་གནོན་ཆོས་ཉིད་སྤྱན།། སྤྱན་ནི་ཆོས་ཉིད་མཉམ་པ་ཉིད།། ཇི་བཞིན་ཆོས་ཉིད་ཡུལ་ལ་སྦྱོར།། རོལ་པའི་རྩེད་མོར་སྡང་མིག་པ།། གཞན་དུ་མི་གཟིགས་ཡུལ་ལ
244a3 གཟིགས།། པདྨ་འཁྱིལ་པ་ཉིད་སྐུ་གསུང་།། མཚན་མར་འཛིན་པའི་དངོས་པོ་འཇིག། ཡེ་ཤེས་ཆེན་པོའི་སྤྱན་བགྲད་པས།། ཁྲོ་གཉེར་གློག་སྟོང་འགྱུ་བ་ཡི།། མེ་ཡི་ཚོགས་ཀྱིས་གཞན་དབང་ཟློག། བདུད་རྩིའི་ཞིང་དུ
244a4 སྦྱོར་བས་ན།། བདུད་རྩི་མཆོག་གི་ཁྲོ་བོ་ཡིན།། སྐུ་ཉིད་མཉམ་པ་རྫོགས་པ་ལས།། སྣ་ཚོགས་འཆར་བར་རབ་སྟོན་པ།། ཡེ་ཤེས་སྒྱུ་འཕྲུལ་སྟོབས་པོ་ཆེ།། མི་གཡོ་མཆོག་གི་འདུ་འཕྲོ་ལས།། གཤོག་པ་རྡོ་རྗེ་གཏམས
244a5 པ་ནི།། ཤེས་རབ་ཚོགས་ལས་སྤྲུལ་པ་དང་།། ཐུགས་རྗེ་དྲ་བའི་བྱིན་རླབས་ཀྱི།། འཁོར་ཡུག་ཇི་སྙེད་མཐའ་ཀླས་པ།། དབྱིངས་ཉིད་བདེ་ལ་བསྐྱོད་པ་སྟེ།། ཁྲོས་ནས་དབང་དུ་བྱེད་པའི་དོན།། རྟ་ཡི་གར་སྟབས་རྫུ
244a6 འཕྲུལ་གྱིས།། གཅིག་ཀྱང་ཡལ་བ་མ་ཡིན་པའོ།། ཆོས་དབྱིངས་མཉམ་དང་མི་མཉམ་པའི།། སྒྱུ་འཕྲུལ་དཀྱིལ་འཁོར་མཐའ་ཀླས་པར།། རྩེད་མོར་མཆོག་གི་ཕྱག་རྒྱ་ནི།། བརྐྱང་དང་བསྐུམ་པ་ཞབས་ཚུལ
iiif viewer powered by OpenSeadragon
