| e-texts navigator |
| Wylie |
243b1 མཚར་ཚམ་རྔམས་ཀྱིས།། ཆོས་བཞིན་རྣམ་དག་ཆེ་བའི་ལྷ།། ཡེ་ཤེས་སྐུ་སྟེ་ཁྱད་པར་ཆེ།། ཆགས་པའི་ཚོགས་ཀྱི་མཚན་མ་ནི།། འདོད་ཆགས་ཆེན་པོ་ཉིད་ཀྱི་སྐུ།། གཏུམ་རྔམས་གདུག་པ་ཡིས་མཚན་པས།། ཞེ་སྡང
243b2 ཆེན་པོ་ཉིད་ཀྱི་སྐུ།། གདུལ་བྱའི་ཞིང་དུ་རབ་སྦྱོར་ཞིང་།། ཆོས་ཉིད་མཉམ་ལས་བཞེངས་པས་ན།། གཏི་མུག་ཆེན་པོ་ཉིད་ཀྱི་སྐུ།། སྣོད་བཅུད་དག་པའི་སྤྱོད་ཡུལ་བ།། སྐུ་གསུང་ཐུགས་ལས་འཕྲོས་པ་དང་།། རྒྱལ་བ
243b3 ང་ཡིས་མཚན་པས་ན།། ང་རྒྱལ་ཆེན་པོ་ཉིད་ཀྱི་སྐུ།། གསང་བའི་སྙིང་པོ་བཞི་བཅུ་གཉིས།། ཐིག་ལེ་ཐུགས་སུ་བསྡུས་པ་ཉིད།། གཞན་དུ་མི་གཏོང་མཚན་པས་ན།། དེ་ཉིད་ཕྲག་དོག་ཉིད་སྐུར་རྫོགས།། སྟོང་གསུམ
243b4 སྟོང་གི་སྟོང་ཆེན་པོ།། འཇིག་རྟེན་ཁམས་མང་སྣ་ཚོགས་པ།། རྡུལ་དུ་དབྱེ་བ་ལ་སོགས་པའི།། བགྲང་བ་ལས་ནི་རབ་འདས་མཚན།། དེ་ཉིད་སྣང་ཞིང་སྲིད་པ་ཉིད།། འཇིགས་བྱེད་སྐུ་གསུང་ཐུགས་ཀྱི
243b5 དབྱིངས།། ཆོས་སྐུ་ཡེ་ཤེས་རང་བཞིན་ལ།། སྒྱུ་འཕྲུལ་དྲ་བའི་ཐིག་ལེ་མཆོག། སྙིང་པོ་ཐིག་ལེ་བསམ་ཡས་ཉིད།། འཇིགས་བྱེད་དབུ་དགུ་བཅོ་བརྒྱད་ཕྱག། སྒྱུ་མས་མཚན་པའི་དྲ་བ་ཡིན།། དེ་ཉིད་ཚོགས་དང་དཀྱིལ
243b6 འཁོར་སྔགས།། གཅིག་ལ་གསུམ་དུ་མཆོག་ཏུ་བསྔགས།། ཡུལ་དང་འབྱུང་བ་དེ་ཉིད་དོ།། བདག་རིག་གཞན་དོན་སྙིང་པོ་ཉིད།། ཐབས་དང་ཤེས་རབ་ཕྱག་མཚན་པ།། གཉིས་མེད་རིག་པའི་ཡེ་ཤེས་ཆེ།། མིང་དང
iiif viewer powered by OpenSeadragon
