| e-texts navigator |
| Wylie |
243a1 དང་འཐད་པར་གནས་རྒྱུད་ཡོངས་མ་ཡིན།། དེ་ཉིད་གཉིས་སུ་མེད་པའི་ཆོ་འཕྲུལ་བསམ་ཡས་ཐམས་ཅད་ཀུན་ཏུ་ཁྱབ།། རིགས་ལྔའི་ཁྲག་འཐུང་འཇིགས་པའི་རོལ་པ་རྡུལ་སྙེད་རབ་སྟོན་པའི།། རྣམ
243a2 དག་བྱང་ཆུབ་མཆོག་གི་དབྱིངས་ཉིད་ཡིན་ཏེ་གསང་བ་ཡི།། སྙིང་པོར་རབ་བསྟན་ངེས་པ་ཉིད་དེ་ཤིན་ཏུ་གནས་པར་གསལ།། ཧོ།། རྡོ་རྗེ་གསང་བའི་ཚིག་ཏུའོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས། ཁྲོ
243a3 བོཔོའི་དཀྱིལ་འཁོར་བསྟན་པའི་ལེའུ་སྟེ་སུམ་ཅུ་པའོ།། །། དེ་ནས་བཅོམ་ལྡན་འདས་དགྱེས་པ་ཆེན་པོས་ཉིད་ཀྱི་བྱིན་རླབས་དང་། ཡོན་ཏན་སྟོན་པ་ཞེས་བྱ་བ་འདི་ཆེད་དུ་བརྗོད་པ་འདི་བརྗོད་དོ།། ཨོཾ་སངས་རྒྱས
243a4 རྣལ་འབྱོར་ཆེན་པོ་ནི།། དུས་གསུམ་སངས་རྒྱས་ཐམས་ཅད་ཀྱི།། ཡེ་ཤེས་སྙིང་པོ་མཆོག་ཉིད་དེ།། སངས་རྒྱས་ཀུན་ཏུ་བཟང་པོ་ཉིད།། འདི་ཡིན་གཞན་ན་མེད་པ་སྟེ།། རོལ་པ་ཀུན་ལ་མངའ་བརྙེས་ཤིང་།། སྲིད་པ
243a5 འཇིག་རྟེན་ཐམས་ཅད་ཀུན།། སངས་རྒྱས་ཉིད་དེ་དུས་གསུམ་དུ།། མ་གཡོས་ལྷུན་གནས་སྙིང་པོ་སྟེ།། རང་བཞིན་ཆེ་བའི་ཡོན་ཏན་ལས།། མ་རྟོགས་རྨོངས་པའི་འགྲོ་བ་ལ།། སྒྱུ་འཕྲུལ་དྲ་བས་མངོན་རྫོགས
243a6 པའི།། སྙིང་རྗེ་ཆགས་པའི་དམ་ཚིག་གིས།། ང་རྒྱལ་ཉིད་ཀྱི་སྐུ་ཆེན་བསྟན།། གདུག་ཅིང་གཏུམ་པའི་ཁམས་གསུམ་ནི།། འདུལ་བའི་ཞིང་དུ་རབ་སྦྱོར་ཞིང་།། ཕྲིན་ལས་རྣམ་བཞི་རྫོགས་པར་མཛད།། ཡེ་ཤེས་ངོ
iiif viewer powered by OpenSeadragon
