| e-texts navigator |
| Wylie |
241b1 གཞུ་ཐོ་ཆེན་གྲི་ཆེན་དང་།། རྡོ་རྗེ་མདུང་ཆེན་དགྲ་སྟར་བཅས།། མཆེ་གཙིགས་སྤུ་གྲིའི་སོ་དང་ནི།། མདའ་དང་མདུང་དང་ཏི་ར་དང་།། གཞན་ཡང་ཕྱག་རྒྱ་སྣ་ཚོགས་སོ།། དབུས་ཀྱི་ཧེ་རུ་ཀ་ཡི་ཕྱག་རྒྱ་ནི།། ཏི་ར
241b2 དབྱུག་ཐོ་ཆེན་པོ་དང་།། འཁོར་ལོ་ཆེན་པོ་རབ་ཏུ་འབར།། དུང་ཆེན་དམར་གྱིས་གང་བ་ལ།། རྡོ་རྗེས་དཀྲུགས་ཤིང་ཞལ་དུ་གསོལ།། ཤར་གྱི་ཁྲོ་བོའི་ཕྱག་རྒྱ་ནི།། ཏི་ར་ཆེན་པོའི་དབྱུག་པ་དང་།། རྡོ་རྗེ་ཆེན་པོ་རབ་ཏུ
241b3 འབར།། ནརྀ་མགོ་དམར་ཆེན་བཀང་བ་གསོལ།། ལྷོ་ཡི་ཕྱག་རྒྱ་ཆེན་པོ་ནི།། ཏི་ར་ཆེན་པོའི་དབྱུག་པ་དང་།། ཡིད་བཞིན་ནོར་བུ་རིན་ཆེན་འབར།། ཡིད་བཞིན་ནོར་བུའི་གཞལ་ཡས་སུ།། དམར་གྱི་ཨརྒྷ་རབ་ཏུ
241b4 གསོལ།། ནུབ་ཀྱི་ཁྲོ་བོའི་ཕྱག་རྒྱ་ནི།། ཏི་ར་ཆེན་པོའི་དབྱུག་པ་དང་།། པདྨ་ཆགས་མེད་རབ་ཏུ་འབར།། དུང་ཆེན་དམར་གྱིས་བཀང་བ་གསོལ།། བྱང་གི་ཁྲོ་བོའི་ཕྱག་རྒྱ་ནི།། ཏི་ར་ཆེན་པོའི་དབྱུག་པ་དང་།། རྡོ་རྗེ་རྒྱ
241b5 གྲམ་རབ་ཏུ་འབར།། དུང་ཆེན་དམར་གྱིས་བཀང་བ་གསོལ།། ཁྲོ་མོ་རྣམས་ནི་ཁྲོ་དང་མཐུན།། གནས་དང་ཡུལ་གྱི་ཕྱག་རྒྱ་ནི།། རྒྱུད་གཞན་དག་དང་མཐུན་པར་བཤད།། མ་མོ་རྣམས་ཀྱི་ཕྱག་རྒྱ་ནི།། འཇིག་རྟེན
241b6 འདས་མདོ་ཆེ་ལས་བཤད།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས། སྒྱུ་འཕྲུལ་དྲ་བའི་ཕྱག་རྒྱ་སྤྲོས་པའི་ལེའུ་སྟེ་ཉེར་དགུ་པའོ།། །། དེ་ནས་བཅོམ་ལྡན་འདས་དགྱེས་པ་ཆེན་པོས། དེ་དག་གི་དཀྱིལ་འཁོར
iiif viewer powered by OpenSeadragon
