| e-texts navigator |
| Wylie |
240b1 ཅད་དང་།། བདུད་དང་ལོག་འདྲེན་ཐམས་ཅད་མནན། ཡན་ལག་ཐམས་ཅད་བསྐུལ་བསིགས་ན།། བ་སྤུའི་བུ་ག་རེ་རེ་ནས།། ཁྲོ་བོ་གྲངས་མེད་རྡུལ་སྙེད་འཕྲོ།། དེ་དག་སྤྲུལ་པ་གྲངས་མེད་ཀྱིས།། ཕྱོགས་བཅུའི
240b2 ཁམས་མང་རྡུལ་སྙེད་དུ།། འགྲོ་བའི་དོན་རྣམས་རྡུལ་ཕྲན་སྙེད།། ཐུགས་རྗེས་འདུལ་ཞིང་དབྱིངས་སུ་བསྟིམ།། ཐམས་ཅད་ཁྲོ་བོའི་དཀྱིལ་འཁོར་དང་།། ཁྲོ་མོའི་དཀྱིལ་འཁོར་རབ་ཏུ་འདུས།། ཐམས་ཅད་རྡོ་རྗེ་བྲག
240b3 སྟེང་དང་། མེ་རིའི་དཀྱིལ་འཁོར་རབ་ཏུ་འབར།། འདི་ནི་སྤྱི་རྒྱ་ཆེན་པོ་ཡིན།། སྟེང་གི་བགེགས་རྣམས་འདུལ་བའི་ཕྱིར།། རྡོ་རྗེ་འཁོར་ལོ་ནརྀ་མགོ་གདེངས།། འོག་གི་འཇིག་རྟེན་བགེགས་འདུལ་བའི།། རྡོ་རྗེ་ཐོང
240b4 གཤོལ་ནརྀ་སྦར་དང་།། རྡོ་རྗེ་གཏུན་ཆེན་དྲིལ་བུའོ།། ཤར་གྱི་བགེགས་རྣམས་འདུལ་བ་ནི།། རྡོ་རྗེ་རབ་ཏུ་འབར་བ་དང་།། ཏི་ར་ཆེན་པོའི་དབྱུག་པའོ།། ལྷོ་ཡི་བགེགས་རྣམས་འདུལ་བ་ནི།། རིན་ཆེན་མི་མགོའི་དབྱུག
240b5 པ་དང་།། གཤིན་རྗེ་ཞིང་ཆེན་རྐང་བཟུང་བའོ།། ནུབ་ཀྱི་བགེགས་རྣམས་འདུལ་བ་ནི།། སྦྲུལ་དང་ཏི་རའི་དབྱུག་པ་དང་།། ཁྱུང་ཆེན་གཤོག་གིས་རབ་ཏུ་རྡེབས།། རྒྱ་མཚོ་ཆེ་རྣམས་སྐེད་པར་གཏུབས།། བྱང་གི
240b6 བགེགས་རྣམས་འདུལ་བ་ནི།། རིན་པོ་ཆེ་ཡི་དབྱུག་ཏོ་དང་།། ནརྀ་མགོ་གསུམ་པའི་དབྱུག་ཏོ་ཅན།། གནོད་སྦྱིན་གདོན་རྣམས་ཚར་གཅོད་པའོ།། མཚམས་བཞིའི་བགེགས་རྣམས་འདུལ་བ་ནི།། ཕྱོགས་བཞི་དག་གིས
iiif viewer powered by OpenSeadragon
