| e-texts navigator |
| Wylie |
236a1 ཁྱོ་ཤུག་གིས་གདན་དུ་བྱས་པ་ལ་བཞུགས་སོ།། སྲིན་མོ་ཁྲག་འཐུང་ཆེན་མོ་རྣམས་ཀྱང་སོ་སོའི་སྐུ་ལ་འཁྲིལ་བའི་ཚུལ་གྱིས་བཞུགས་སོ།། རིགས་ལྔའི་ཧེ་རུ་ཀ་གཅིག་ཏུ་བསྟིམས་ཏེ་བསྡུས་ནས་གཅིག
236a2 གིས་མང་པོ་འདུལ་བའི་ངོ་མཚར་བསྟན་ནས། དྲེགས་པ་ཆེན་པོ་ལ་སོགས་པ། གཏུམ་པའི་སེམས་ཀྱིས་གདུག་པའི་རྫུ་འཕྲུལ་ཆེན་པོ་སྣ་ཚོགས་བསྟན་ནས། མགྲིན་གཅིག་ཏུ་གདུག་པའི་ང་རོས་བརླང་བའི་གཏུམ
236a3 ཚིག་ཏུ་སྨྲས་པ། ཐོང་ཐོང་སྙིང་རྗེའི་བདག་པོ་ཅི་དེ་ལྟར་བྱེད་དམ་ཞེས་ཟེར་ཞིང་ཤིན་ཏུ་གཏུམས་སེམས་ཀྱིས་རྔམས་ནས་ཁྲོས་སོ།། དེ་ནས་བཅོམ་ལྡན་འདས་དགྱེས་པ་ཆེན་པོས། ཐམས་ཅད་ཀྱི་བདག་ཉིད་དེས
236a4 དབུ་དགུ་ཕྱག་བཅོ་བརྒྱད་ཞབས་བརྒྱད་དུ་གནས་ནས། རྔམས་པའི་སྐད་ཀྱིས་ཐུགས་རྗེས་འདུལ་བའི་ཐབས་ཀྱི་ཤིན་ཏུ་ཕྲོས་ནས། ཧཱུཾ་ཧཱུཾ་ཧཱུཾ། ཧ་ཧ་ཧ། ཁཱ་ཧི་ཁཱ་ཧི་ཁཱ་ཧི། ཞེས་བརྗོད་ནས། དབང་ཕྱུག་ཆེན་པོ་ལ
236a5 སོགས་པ། གདུག་པ་ཆེན་པོའི་ཚོགས་དེ་དག་གི་སྙིང་དང་། དབང་པོ་ཀུན་ཕྱུང་། ནང་ཁྲོལ་ཀུན་དྲངས་ཡན་ལག་ཀུན་བཅད་གཏུབས་ནས་ཤ་ཀུན་ཟོས། ཁྲག་ཀུན་འཐུངས། རུས་པ་ཀུན་འཆོས་སོ།། དེ་ནས་ཧཱུཾ་ཧཱུཾ་ཧཱུཾ
236a6 བྷྱོ། ཨེ་ཨཱ་ར་ལི། ཛཿཛཿཞེས་བརྗོད་པས། ཕྱོགས་བཅུའི་འཇིག་རྟེན་གྱི་ཁམས་ནམ་མཁའ་དང་བཅས་པ་ཉུང་འབྲུ་གཅིག་ཙམ་དུ་ཆུད་པར་བསྡུས་སོ།། དེ་ནས་འབྱུང་པོ་མ་ལུས་པའི་རྒྱལ་པོའི་ཡང་རྒྱལ་པོ་དྲེགས་པ
iiif viewer powered by OpenSeadragon
