| e-texts navigator |
| Wylie |
235a1 རྣམ་པར་རྒྱལ་བ་ཉིད་དུ་མཁྱེན་ནས། མཉེས་པར་གྱུར་ཏོ།། དེ་ནས་དེ་བཞིན་གཤེགས་པས་ཆེ་བའི་རྡོ་རྗེ་བཀོད་པའི་སྒྱུ་འཕྲུལ་དྲ་བས་འཇིག་རྟེན་དྲུག་གི་ཕྱོགས་བཅུ་སྲིད་པ་གསུམ་གྱི་བདག་པོ
235a2 འདུལ་བའི་ང་རྒྱལ་ཆེན་པོ་རྣམ་པར་འཕྲོ་བའི། སྒྱུ་འཕྲུལ་དྲ་བའི་དཀྱིལ་འཁོར་རྒྱལ་པོའི་ཏིང་ངེ་འཛིན་ལ་སྙོམས་པར་ཞུགས་ཏེ།། དེ་བཞིན་ཉིད་ཀྱི་དབྱིངས་ནས། ཁྲོ་མོའི་དབང་ཕྱུག་ཆེན་མོ་མངོན་དུ་བྱུང་སྟེ། ཧི་ཧི
235a3 ཞེས་དགྱེས་པའི་གཟི་མདངས་ཀྱིས་རིན་ཆེན་པདྨ་རྒྱས་པར་མཛད་ནས། གཉིས་སུ་མེད་པར་འཁྲིལ་བའི་དགྱེས་པས་ཐིམ་ནས། བྱང་ཆུབ་སེམས་ཀྱི་སྤྲིན་ལས། ཧཱུཾ་ཧཱུཾ་ཧཱུཾ། བི་ཤྲ་བཛྲ་ཀྲོ་དྷ་ཛྭ་ལ་མནྟ་ལ། ཕཊ་ཕཊ
235a4 ཕཊ། ཧ་ལ་ཧ་ལ་ཧ་ལ་ཧཱུཾ་ཞེས་བརྗོད་པས། འཇིག་རྟེན་དྲུག་གི་ཕྱོགས་བཅུ་མཐའ་ཡས་པ་ཐམས་ཅད་ཁྱབ་པར་ཁྲོ་བོའི་དཀྱིལ་འཁོར་གྱི་ཚོགས་སྟོང་གསུམ་གྱི་འཇིག་རྟེན་ཙམ། ཕྱོགས་བཅུ་རྡུལ་ཕྲ་མོ་སྙེད་ཐོན་པར
235a5 གྱུར་པས། འཇིག་རྟེན་དྲུག་གི་ཕྱོགས་བཅུ་ཐམས་ཅད་གཡོས། རབ་ཏུ་གཡོས། ཀུན་ཏུ་གཡོས། འུར་འུར། རབ་ཏུ་འུར་འུར། ཀུན་ཏུ་འུར་འུར། ཆེམ་ཆེམ། རབ་ཏུ་ཆེམ་ཆེམ། ཀུན་ཏུ་ཆེམ་ཆེམ་མོ། ཤིག་ཤིག། རབ
235a6 ཏུ་ཤིག་ཤིག། ཀུན་ཏུ་ཤིག་ཤིག་གོ། གཏོར་གཏོར།། རབ་ཏུ་གཏོར་གཏོར།། ཀུན་ཏུ་གཏོར་གཏོར་རོ།། འཇིག་རྟེན་དྲུག་གི་ཕྱོགས་བཅུའི་སྟོང་ཁམས་ཐམས་ཅད་ན་གནས་པའི་དབང་ཆེ་བ་གཟི་བརྗིད་ཆེ་བ་དང
iiif viewer powered by OpenSeadragon
