| e-texts navigator |
| Wylie |
234b1 བ་དང་། ཚ་བའི་དབུགས་ཀྱིས་ཕྱོགས་ཀུན་ཏུ་ཁམས་འཁྲུགས་པར་བྱེད་པ། ནད་བཞི་བརྒྱ་རྩ་བཞིས་འདེབས་པར་བྱེད་པ། མྱོས་ཤིང་ཉམས་པར་བྱེད་པའི་མཐུས། ཀླུའི་རིས་དང་། ལྷ་མ་ཡིན་གྱི་རིས་དང་། ལྷའི
234b2 རིས་དང་། ཚངས་པའི་རིས་དང་། འོད་གསལ་དང་། དགེ་རྒྱས་དང་། འབྲས་བུ་ཆེ་མན་ཆད་དབང་དུ་བསྡུས་སོ།། དེ་སྔོན་བསྟེན་པའི་སྟོབས་ཀྱིས། ཐམས་ཅད་མཁྱེན་པས་གཟིགས་ནས། ཐུགས་རྗེས་འདུལ་བར
234b3 གྱུར་ཏེ། ཐམས་ཅད་ཀྱི་མཚན་ཉིད་བསྟན་པའི་གླུ་འདི་བླངས་སོ།། ཨེ་མ་ཧོ་འགྲོ་བ་ཡོངས་ནི་བདེ་གཤེགས་ལམ་ཡིན་ཏེ།། སྡུག་བསྔལ་སེལ་མཛད་སྒྱུ་མའི་སྤྲུལ་པར་སྣང་།། ཡོན་ཏན་རྨད་བྱུང་ཆེ་བའི་རང་བཞིན
234b4 འདི།། སྡུག་བསྔལ་ཀུན་ལ་བཤེས་གཉེན་མགོན་པོ་ཡིན།། རྨོངས་དང་འཁྲུལ་པ་རབ་སེལ་ཞེ་སྡང་འཇོམས།། ཀུན་འབྱུང་བདེ་བ་རྡོ་རྗེའི་སྐུ་མཆོག་སྟེ།། རྫོགས་ལྡན་མཛད་པའི་ཕྲིན་ལས་བསམ་ཡས་པས།། ཐུགས
234b5 རྗེ་ཆེན་པོའི་དབང་གིས་བདུད་རྣམས་འཇོམས།། སྐུ་མཆོག་སྣ་ཚོགས་ཐབས་མཁས་བསམ་ཡས་ལ།། རོལ་པའི་རྩེད་མོར་འགྲོ་བའི་དོན་མཛད་ཅིང་།། བྱང་ཆུབ་སེམས་ཀྱི་ལམ་ལ་གནས་པར་མཛད།། འགྲོ་བ་ཀུན
234b6 ལ་བདེ་བ་གཅིག་པུ་པ། ཨ་ཧོ། དགྱེས་པའི་མཉེས་པ་ཉིད་ལ་གནས་པར་མཛོད། བྱིན་རླབས་ཀུན་གྱི་བདེ་བ་ཉིད་ལ་སྣང་།། ཞེས་བརྗོད་པས།། དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ལ། ཀུན་ལས
iiif viewer powered by OpenSeadragon
