| e-texts navigator |
| Wylie |
233b1 སེམས།། དེ་ནི་ལུང་གི་ཚད་མར་བཤད།། ཚད་བཞིས་ཕབ་པའི་དོན་ཡིན་ཏེ།། དག་པ་རྣམ་གསུམ་ཚུལ་བསྒོམ་ཞིང་།། འབྲུ་ལྔར་བསྡུས་པའི་ཐབས་ཆེན་ཏེ།། འགྲོ་བ་ཀུན་ལ་རང་བཞིན་གནས།། བྱ་བ་མེད་ལས
233b2 བྱས་པ་མེད།། ཟད་པའི་དུས་མེད་ཡིད་བཞིན་གཏེར།། བུམ་པ་བཟང་དང་ཡིད་བཞིན་མཛོད།། ཟ་མ་ཏོག་དང་རིན་ཆེན་རྒྱལ།། གཞན་ནས་ཡོད་འོང་མ་ཡིན་ཏེ།། རང་སེམས་གཟོད་ནས་བསྟན་པ་ཡིན།། ཞེས་ཆེད
233b3 དུ་བརྗོད་པ་འདི་བརྗོད་དོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས། བསྙེན་པའི་ལེའུ་སྟེ་ཉེར་དྲུག་པའོ།། །། དེ་ནས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་བདག
233b4 པོ།། སངས་རྒྱས་ཐམས་ཅད་ཀྱི་ངོ་བོ་ཉིད་ཀྱིས། ཁྲོ་བོའི་དཀྱིལ་འཁོར་དུ་མངོན་པར་འདུ་མཛད་དེ།། དེ་ཅིའི་ཕྱིར་ཞེ་ན། བདག་ཏུ་རྨོངས་པའི་རྟོག་པས་བཏགས་པ་ལ་མངོན་པར་ཞེན་པས། ཡང་དག་པའི་ལམ་དང
233b5 བྲལ་བ་དག། གབ་པའི་གསང་བ་མ་རྟོགས་པར།། སྦས་པའི་གསང་བ་ལ་མངོན་པར་འཆེལ་ནས།། རྒྱུ་དང་འབྲས་བུ་ལ་རྨོངས་པས། སྲིད་པའི་ས་བོན་རྩུབ་མོས་འཕངས་ནས་མཚམས་མེད་པའི་རབ་ཏུ་ཚ་བའི
233b6 དམྱལ་བར་སྐྱེས་སོ།། དེ་རབ་ཏུ་བའི་སྡུག་བསྔལ་དྲག་པོས་གདུངས་པ་དང་། འདོད་པས་གདུངས་ནས་འདི་བས་ཤིན་ཏུ་གྲང་ན་ཡང་ཅི་མ་རུངས་སྙམ་པའི་མོད་ལ་རབ་ཏུ་སྦྲེབས་པ་དང་། པདྨ་ལྟར་གས་པའི་སྡུག
iiif viewer powered by OpenSeadragon
