| e-texts navigator |
| Wylie |
232b1 མེད།། མ་བཅོས་ལྷུན་གནས་ཡེ་ནས་བྱང་ཆུབ་ཅིང་།། ཐོབ་རྒྱུ་མེད་པས་ཡེ་ནས་བདེ་གཤེགས་ཡིན།། ཞེས་བརྗོད་པས། ཆོས་དང་ཡེ་ཤེས་ཀྱི་ཁམས་ཐམས་ཅད་རང་བཞིན་སངས་རྒྱས་པར་དེ་བཞིན་གཤེགས་པ
232b2 ད་ཀྱིས་མཁྱེན་ཏོ།། མཁྱེན་ནས་ཇི་བཞིན་པའི་བདག་ཉིད་ཆེན་པོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་ཐུགས་རྡོ་རྗེ་སྒྱུ་འཕྲུལ་དྲ་བ་ལས།། རྡོ་རྗེ་གསང་བའི་ཚིག་འདི་ཕྱུང་ངོ་།། ཨེ་མ་ཧོ་མ་བསྒྲུབ
232b3 གྲུབ་ཆེན་པོ།། གྲུབ་པ་ཆེན་པོ་ཡེ་ཤེས་ཆེ།། བླང་དོར་མེད་པའི་ས་ཆེན་པོ།། མི་གཡོ་འདུ་འབྲལ་མེད་པའི་གཟུངས།། རྟོགས་པའི་ཡེ་ཤེས་ཡིད་བཞིན་གཏེར།། ཐམས་ཅད་ལ་ཡང་མེ་ལོང་བཞིན།། བལྟས་ཀྱང
232b4 གཟུགས་བརྙན་མི་སྣང་ངོ་།། གང་ན་གསང་ཆེན་འདི་ཡོད་པར།། མེ་མ་མུར་གྱི་དོང་འབོག་ལ།། སྤུ་གྲིའི་སོ་ནི་གཏམས་པ་ལ།། འཛེགས་ནས་བུ་དག་འགྲོ་བར་བྱོས།། ཁོངས་ན་གནས་པའི་ཡང་ཁོངས་སུ།། ལྕགས
232b5 ཀྱི་སྒྲོམ་བུ་ཁ་བསྡམ་མོ།། དབྱིངས་ཉིད་ལ་ནི་དབྱིངས་སྤྱོད་ཕྱིར།། དབྱིངས་ཉིད་མཆོག་གི་གནས་ལ་སྤྱོད།། དེ་ཉིད་མི་གནས་མྱ་ངན་འདས།། རྡོ་རྗེ་གསང་བའི་ཚིག་ཏུའོ།། གསང་བའི་སྙིང་པོ་དེ་ཁོ་ན་ཉིད་ངེས་པ
232b6 ལས། གསང་བ་ཆེན་པོ་མན་ངག་གཏན་ལ་ཕབ་པའི་ལེའུ་སྟེ་ཉེར་ལྔ་པའོ།། །། དེ་ནས་དེ་བཞིན་གཤེགས་པ་དགྱེས་པ་ཆེན་པོས།། མཉམ་པའི་དཀྱིལ་འཁོར་ལ་བཞུགས་ནས། ཉིད་ཀྱི་སྐུ་ལ་ཐམས་ཅད་མ
iiif viewer powered by OpenSeadragon
