| e-texts navigator |
| Wylie |
231b1 མཆོག། ཐོས་བསམ་བསྒོམ་ལ་རབ་སྦྱངས་པའི།། ཤེས་རབ་མིག་ལྡན་རྣམས་ཀྱིས་ཟུང་།། སྣོད་ལྡན་ངང་ཚུལ་བཟང་ལ་བསྟེན།། ལུས་དང་ལོངས་སྤྱོད་གཏོང་ལ་སྦྱིན།། གཞན་དུ་ནམ་ཡང་སྦྱིན་མི་བྱ།། རྨོངས་ལ
231b2 འཕྱར་བས་གལ་ཏེ་སྦྱིན།། དུས་མིན་པར་ནི་སྲོག་ཟད་ནས། བསྲེག་དང་སྦྲེབས་ལ་ཡུན་རིངས་གནས།། ཞེས་དེ་བཞིན་གཤེགས་པ་ཉིད་ཀྱིས་དེ་བཞིན་གཤེགས་པ་ཉིད་ལ་ཆེད་དུ་བརྗོད་དོ།། གསང་བའི་སྙིང་པོ་དེ
231b3 ཁོ་ན་ཉིད་ངེས་པ་ལས། ཤིན་ཏུ་གསང་བའི་མན་ངག་གི་ལེའུ་སྟེ་ཉེར་བཞི་པའོ།། །། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས།། དགྱེས་པ་ཆེན་པོའི་ངང་ལས། གསང་བ་འབྱུང་བ་ཞེས་བྱ་བ་འདི
231b4 ཆེད་དུ་བརྗོད་པ་འདི་བརྗོད་དོ།། ཨེ་མ་ཧོ་འོ་ལུས་ཐམས་ཅད་བདེ་བ་ཆེ།། དུས་གསུམ་བདེ་གཤེགས་ཤེས་རབ་མཆོག། གདོད་ནས་མ་སྐྱེས་རྣམ་དག་བྱང་ཆུབ་སེམས།། རང་བཞིན་དབྱེར་མེད་གདོད་མཐའ་མི
231b5 འབྱེད་ཅིང་།། ཡེ་ནས་མཉམ་པས་རྒྱལ་བ་རྒྱ་མཚོ་ཡིན།། འགྲོ་འོང་མེད་པར་དུས་གསུམ་ཅིག་ཆར་རྫོགས།། དབྱེ་བསལ་མེད་ཅིང་བཟང་ངན་བླང་དོར་མེད།། རྣམ་རྟོག་ཉིད་ན་ཡེ་ཤེས་རང་བཞིན་ཏེ།། རྣམ་རྟོག་མི
231b6 བསྐྱེད་ཡེ་ཤེས་བརྗོད་དུ་མེད།། བདག་ཏུ་མེད་པའི་སྐྱེས་མཆོག་སྔོན་སྦྱངས་པ།། ཁྲི་ལ་འགའ་ཙམ་གལ་ཏེ་འབྱུང་འགྱུར་ཞིང་།། སྔ་རབས་ཕྱི་རབས་དག་དང་དབྱེར་མེད་པའི།། མངོན་སུམ་སངས་རྒྱས་སྐྱེས་མཆོག་དེ
iiif viewer powered by OpenSeadragon
