| e-texts navigator |
| Wylie |
230a1 ཏན་ཕྲིན་ལས་རྡོ་རྗེ་ལས།། རྡོ་རྗེ་གསང་བའི་ཚིག་འདི་ཕྱུང་ངོ་།། ཨ་ཧོ། མ་མཐོང་རྨོངས་ལས་ཆགས་པ་ཡིས།། ཆོས་རྣམས་མིང་དུ་བཏགས་པ་ཙམ།། འགྲོ་དྲུག་དུས་གནས་མིང་ཚོགས་ཁྱད་པར་རབ
230a2 སྣང་བའི།། ཟབ་ཆེན་སྤྱོད་ཡུལ་ལོག་པར་རྟོག་བཏག་མིང་ཙམ་དུ།། ཨཱ་ལི་ཀཱ་ལི་ལ་སོགས་འདོད་པའི་སྙིང་པོ་ཉིད།། ཕྱག་རྒྱ་གླུ་ཚིག་སྐུ་གསུང་ཐུགས།། ཐུགས་ཀྱི་ཐུགས་ཆེན་ཡོན་ཏན་རྫོགས་པའི་སངས་རྒྱས
230a3 ནི།། ཉིད་དེ་མཉམ་པའི་ཐུགས་སུ་རབ་ཏུ་གསལ།། མཉམ་ཉིད་ཁྱབ་པའི་སྟངས་དཔྱལ་ཡོན་ཏན་མཆོག་སྟེ་སྔགས་ཀྱི་ཕྲིན་ལས་རྫོགས།། རྡོ་རྗེ་གསང་བའི་ཚིག་ཏུའོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས།།
230a4 ཚོགས་བསྒྲུབ་པའི་ལེའུ་སྟེ་ཉེར་གསུམ་པའོ།། །། དེ་ནས་དེ་བཞིན་གཤེགས་པ་ཕྱོགས་བཅུ་དུས་བཞིའི་སྐུ་གསུང་ཐུགས་རྡོ་རྗེའི་དཀྱིལ་འཁོར་གཅིག་ཏུ་འདུས་ནས།། དགྱེས་པ་ཆེན་པོས་ཆོས་ཐམས་ཅད་ཡེ
230a5 ནས་རྫོགས་པ་ཆེན་པོར་ལྷུན་གྱིས་གྲུབ་པའི་དམ་ཚིག་ཤིན་ཏུ་གསང་བའི་སྙིང་པོ་སྤྲིན་བཀོད་པའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་བརྗོད་དོ།། མ་རྟོགས་པ་དང་ལོག་པར
230a6 རྟོགས།། ཕྱོགས་རྟོགས་ཡང་དག་ཉིད་མ་རྟོགས།། འདུལ་བ་དགོངས་པ་གསང་བ་དང་།། རང་བཞིན་གསང་བའི་དོན་རྣམས་ནི།། ཡི་གེ་སྒྲས་བཏགས་མིང་ཚོགས་ལ།། བརྟན་པའི་ཚིག་གིས་རབ་མཚོན་ཏེ།། ཁོང
iiif viewer powered by OpenSeadragon
