| e-texts navigator |
| Wylie |
229a1 ཏེ་ཐུགས་ཀྱི་མཆོག། ཁྲོ་བོའི་ཚོགས་དང་ལྡན་པ་ཡི།། ཚོམ་བུ་གཅིག་པའི་ལྷ་རྣམས་བསྒོམ།། ཁྲོ་བོ་ཁྲོ་མོའི་ཚོགས་ཆེན་པོ།། ཕོ་ཉ་ཕྱག་བརྙན་བཀའ་ཉན་ཚོགས།། ཅི་བགྱི་ལ་སོགས་ཚོགས་རྣམས
229a2 ཀྱི།། དངོས་གྲུབ་ལས་རྣམས་རྫོགས་པར་བྱེད།། རྣལ་འབྱོར་སྔགས་འཆང་དངོས་གྲུབ་ནི།། མཉམ་རྫོགས་ལྷུན་གྲུབ་དང་གནས་ཤིང་།། སྤྱོད་པས་ཅི་ལའང་ཐོགས་མེད་པའི།། ཐམས་ཅད་ཡེ་ནས་དབྱེར་མེད
229a3 པའོ།། རྡོ་རྗེའི་རིགས་སུ་ཐམས་ཅད་དཀྱིལ།། འོད་འཕྲོ་འབར་བར་རབ་ཏུ་བསྒོམ།། ཆགས་མེད་ཚུལ་གྱིས་བསྟིམ་པར་བྱ།། གཉིས་མེད་གྱུར་ནས་ཕྱག་རྒྱ་ཆེ།། ཡང་ན་སྐུ་གསུང་ཐུགས་ཉིད་དེ།། ཐམས་ཅད་མ་ལུས
229a4 ཆོས་སྐུར་འདུས།། ཞེས་དེ་བཞིན་གཤེགས་པ་ཉིད་ལ་དེ་བཞིན་གཤེགས་པ་ཉིད་ཆེད་དུ་བརྗོད་དོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས། ཚོགས་ཀྱི་དཀྱིལ་འཁོར་གྱི་ལེའུ་སྟེ་ཉེར་གཉིས་པའོ།། །། དེ
229a5 ནས་དེ་བཞིན་གཤེགས་པ་དགྱེས་པ་ཆེན་པོ། རོལ་མོའི་སྤྲིན་རྣམ་པར་སྤྲོས་ཏེ། རྒྱན་བཀོད་པའི་ཏིང་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་བརྗོད་དོ།། སྒྱུ་འཕྲུལ་དྲ་བས་མངོན་རྫོགས
229a6 པའི།། དཀྱིལ་འཁོར་བརྟན་པའི་ཏིང་ངེ་འཛིན།། བྲོ་གར་ཕྱག་རྒྱའི་འདུ་འཕྲོ་ཡིས།། འཛུལ་ལམ་ནམ་མཁར་འགྲོ་བར་འགྱུར།། གླུ་ཚིག་སྒྲ་ཡི་ཕྱག་རྒྱ་ཡིས།། ཆོས་ཀྱི་དངོས་གྲུབ་འཐོབ་པར་འགྱུར།། རྒྱན་དང་བགོ
iiif viewer powered by OpenSeadragon
