| e-texts navigator |
| Wylie |
225b1 ཏུའོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས། ལྷག་པ་གཟུགས་བརྙན་གྱིས་དངོས་གྲུབ་ལེན་པའི་ཐབས་མཆོད་རྟེན་གདབ་པའི་ལེའུ་སྟེ་བཅུ་དགུ་པའོ།། །། དེ་ནས་དེ་བཞིན་གཤེགས་པ་དགྱེས་པ་ཆེན
225b2 པོས། རྒྱལ་པོ་སྦྱིན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་བརྗོད་དོ།། ཤེས་རབ་ཐབས་ཀྱི་ཕྱག་རྒྱ་ལས།། བདེ་བའི་འབྲུ་ཚོགས་གསལ་བའི་རྒྱུན།། རྡོ་རྗེའི་ལམ་ནས་པདྨར
225b3 བསྐྱིལ།། རྩེ་ནས་བསྟིམ་ཞིང་དཀྱིལ་འཁོར་བསྒྱུར།། ཉན་བྱེད་འཁོར་ལོའི་གཞལ་ཡས་སུ།། གསལ་བའི་ཐིག་ལེ་ངོ་བོ་ཉིད།། ཏྲཱཾ་གྱི་ཕྱག་རྒྱའི་ཚོགས་མཆོག་ལས།། རིན་ཆེན་དཀྱིལ་འཁོར་གསལ་སྒྲོ་ཐིམ།། ཏྲཱཾ།།
225b4 གསང་བ་གསང་ཆེན་གསང་མཆོག་གང་།། གསང་བ་ཀུན་ལའང་མཉན་པར་བྱ།། གསང་བའི་དོན་ཉིད་བརྟག་པ་ལ།། གཞན་དུ་སྨྲ་བར་བྱ་བ་མིན།། གསལ་བའི་འཁོར་ལོའི་གཞལ་ཡས་སུ།། གསལ་བའི་ཐིག་ལེའི
225b5 ངོ་བོ་ཉིད།། ཡི་གེ་ཕྲེང་བའི་ཚོགས་མཆོག་ལས།། རིགས་ཀྱི་དཀྱིལ་འཁོར་གསལ་སྒྲོ་ཐིམ།། ཨོཾ་དུས་གསུམ་རྒྱལ་བའི་སྲས་ཆེན་པོ།། སྐུ་གསུང་ཐུགས་ཀྱི་རྡོ་རྗེ་བཟུང་།། རྒྱལ་བ་ཐམས་ཅད་མཉེས་མཆོད་ལ།། རྒྱལ
225b6 བ་ཀུན་དང་མཉམ་པར་སྦྱོར།། ལག་པའི་འཁོར་ལོའི་གཞལ་ཡས་སུ།། གསལ་བའི་ཐིག་ལེའི་ངོ་བོ་ཉིད།། ཧཱུཾ་གི་ཕྱག་རྒྱའི་ཚོགས་མཆོག་ལས།། ལས་ཀྱི་འཁོར་ལོ་གསལ་སྒྲོ་ཐིམ།། ཨོཾ། ཁྱོད་ནི་རྡོ་རྗེ་ལས་ཡིན
iiif viewer powered by OpenSeadragon
