| e-texts navigator |
| Wylie |
225a1 བའི་ཆོས་སྐུར་བསྒོམ། གང་ཞིག་གཏུམ་ཁྲོ་ཞི་བའི་གདན།། དེ་བཞིན་ཏིང་འཛིན་བྱིན་བརླབས་ན།། གཏུམ་པོ་རྔམ་པོའང་ཞི་བར་འགྱུར།། གཞན་ཡང་ཇི་ལྟར་དམིགས་པ་བཞིན།། ཞི་ཞིང་དུལ་བ་ཉིད
225a2 དུ་འགྱུར།། ཐམས་ཅད་མཁྱེན་པའི་ཡེ་ཤེས་ཀྱིས།། རྣམ་བཞིའི་དཀྱིལ་འཁོར་དབྱིངས་སུ་བསྡུས།། བྱ་བྱེད་མེད་པར་དཀྱིལ་འཁོར་སྤྱོད།། ལྷུན་གྲུབ་དཀྱིལ་འཁོར་ཡེ་ནས་རྫོགས།། ཨ་ཧོ།། ཆོས་སྐུའི་ཕྱག་རྒྱ་ཆེན
225a3 པོས་ནི།། དངོས་གྲུབ་གང་འདོད་སྦྱིན་པར་ངེས།། ཉེ་བའི་ལྷ་ནི་གང་བསྒྲུབ་པ།། ཕྱག་རྒྱའི་སྙིང་པོ་བྲིས་བཅུག་ན།། གང་བསྒོམ་ཐེ་ཚོམ་མེད་པར་འགྲུབ།། དེ་ནི་རྒྱལ་བ་ཀུན་དང་མཉམ།། ཐེ་ཚོམ་མེད་པར་ངེས
225a4 འགྲུབ་འགྱུར།། འཇིག་རྟེན་པ་ཡི་ལྷ་བསྒྲུབ་ན།། ལྷ་ཡི་སྙིང་པོ་གང་ཡང་རུང་།། བྲིས་ཏེ་དཀྱིལ་འཁོར་ནང་བཅུག་ན།། ལྷ་དེ་ཉེ་བར་འགྲུབ་པར་འགྱུར།། ཆོས་ཉིད་རྟེན་ཅིང་འབྲེལ་བྲིས་ནས།། ཆོས་ཀྱི་དོན་རྣམས
225a5 རྟོགས་པར་འགྱུར།། རང་དང་སྤྱི་ཡི་དོན་རྟོགས་ནས།། སྐྱེ་རྒ་ན་འཆི་མེད་རྟོགས་འགྱུར།། ཕྱག་རྒྱ་ཆེན་པོ་དེ་དག་ལ།། ཉོན་མོངས་ལས་རྣམས་སྦྱོང་བྱེད་པའི།། སྙིང་པོ་མ་ནོར་དོན་བྲིས་ན།། ངན་སོང་སྡུག་བསྔལ
225a6 མེད་པར་འགྱུར།། གཞན་ཡང་དཀྱིལ་འཁོར་བསམ་ཡས་དང་།། ཚད་དཔག་མེད་པའི་ཕྱག་རྒྱ་ཆེ།། སྐུ་གསུང་ཐུགས་ནི་རྒྱུན་མི་འཆད།། ཞིང་ཁམས་བྱེ་བ་རྡུལ་དང་མཉམ།། ཨ་ཧོ། རྡོ་རྗེ་གསང་བའི་ཚིག
iiif viewer powered by OpenSeadragon
