| e-texts navigator |
| Wylie |
223b1 པས་ན།། འགྲོ་དྲུག་དུས་གནས་མ་ལུས་སྣང་།། བདེ་བ་ཆེན་པོའི་དཀྱིལ་འཁོར་ནི།། སྟངས་དཔྱལ་གཉིས་སམ་ཡང་ན་ལྔ།། བྱས་ཏེ་དད་ལྡན་རབ་ཞུགས་ན།། འདོད་པ་ཡིད་འོང་མཉམ་པར་འགྱུར།། སྐལ་བ་མཉམ
223b2 པའི་ཡེ་ཤེས་དེ།། གཉེར་ན་ཉེ་བར་འབྱུང་བ་ཡི།། ཡ་མཚན་ཆེན་པོ་འབྱུང་བར་ངེས།། དད་མེད་ཉམས་ན་ཕུང་བར་འགྱུར།། ཞེས་ཆེད་དུ་བརྗོད་དོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས།། རྡོ་རྗེ་བཀོད་པ
223b3 གསང་བ་དམ་ཚིག་གི་ལེའུ་སྟེ་བཅོ་བརྒྱད་པའོ།། །། དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས། ལྷག་པའི་གཟུགས་བརྙན་གྱི་དཀྱིལ་འཁོར་གྱིས།། དངོས་གྲུབ་བླང་བའི་ཐབས་འདི
223b4 གསུངས་སོ།། ཡེ་ནས་མཉམ་ཉིད་དཀྱིལ་འཁོར་ལ།། ཐབས་དང་ཤེས་རབ་ལྡན་བྱས་ཏེ།། རང་རིག་ཡེ་ཤེས་རྒྱལ་པོ་ཡིས།། ཐམས་ཅད་མ་ལུས་མནྟ་ལའི།། དེ་བཞིན་ཉིད་ཀྱི་གཞལ་ཡས་ནི།། རིག་པ་རང་དབང
223b5 གྱུར་པ་ཡིས།། མཉམ་ལ་མཉམ་པར་མི་དམིགས་པའི།། ཆོས་སྐུ་ཕྱག་རྒྱ་ཆེན་པོར་བསྒོམ།། འཇིག་རྟེན་བརྟན་གཡོ་ཐམས་ཅད་ལ།། རང་བཞིན་དཀྱིལ་འཁོར་གནས་མོད་ཀྱང་།། གཟུང་འཛིན་རྣམ་རྟོག་ཞགས་པ
223b6 ཡིས།། རང་རིག་བསྒྲིབས་ཤིང་བདག་ཏུ་བཅིངས།། ཀུན་གྱིས་ཡང་དག་རྟོགས་བྱའི་ཕྱིར།། དེ་བཞིན་སྐུ་ཡི་གཟུགས་བརྙན་བསྟན།། རྟོག་དང་མི་རྟོག་རང་རིག་དང་།། ཡང་དག་ཐབས་ཆེན་རྫོགས་པའི་དོན།། རིན།
iiif viewer powered by OpenSeadragon
