| e-texts navigator |
| Wylie |
222a1 པ།། རང་བཞིན་མཉམ་པའི་ཆོས་ཉིད་ལ།། མིག་ཡོར་ཚུལ་དུ་སྦྱོར་བ་ཡིས།། ནམ་མཁའ་ལ་ནི་ནམ་མཁའ་བསྒོམ།། གོམས་པའི་དཀྱིལ་འཁོར་ཆེན་པོ་ལ།། ཀུན་བྱས་དབང་ཕྱུག་རིག་པས་འཇུག། དེ
222a2 ནས་སློབ་མ་གཞུག་པར་བྱ།། དེ་ནས་རིགས་ཀྱི་བུ་མཆོག་དེས།། རྒྱལ་སྲིད་དང་ནི་རང་གི་ལུས།། བུ་དང་ཆུང་མ་ནོར་གྱི་དབྱིག། རབ་ཏུ་གཅེས་དང་ཡིད་འཐད་དབུལ།། དབང་ཕྱུག་ལོངས་སྤྱོད་ལྔས་མཆོད
222a3 ན།། དཀྱིལ་འཁོར་ཐམས་ཅད་མཆོད་པ་ཡིན།། ཉེ་བའི་དཀྱིལ་འཁོར་སྨོས་ཅི་དགོས།། ཉེས་པ་ཐམས་ཅད་དག་པར་འགྱུར།། དད་བརྩོན་བརྟུལ་ཞུགས་རབ་རྟོགས་ན།། ཕན་པའི་དབང་སྦྱིན་ནུས་པའི
222a4 དབང་།། རིམ་པ་བཞིན་དུ་སྦྱིན་པར་བྱ།། སྙིང་རྗེས་ཆུད་མ་ཟོས་པར་གཟུང་།། ཡང་ན་ཐལ་མོ་རབ་བསྣོལ་ནས། ཕྱག་རྒྱ་ཆེན་པོའི་པང་དུ་ནི།། དཀྱིལ་འཁོར་མཛུབ་གང་ཚད་དུ་ཡང་།། མཁས་པས་ཆོ་ག་བཞིན་དུ
222a5 ཡང་ན་ས་གཞི་རབ་བསྙམས་ལ།། དཀྱིལ་འཁོར་ཁྲུ་གང་ཚད་དུ་བྱ།། ཡང་ན་ལུས་གང་ཚད་དུ་སྟེ།། ཡང་ན་ལུས་ནི་གསུམ་གྱི་ཚད།། ཕུར་བུ་སྲད་བུ་ཚོན་ཕྱེ་དང་།། གོས་རྒུན་མཛེས་པའི་ཡིད་འོང
222a6 གྲོགས།། ཐིག་གདབ་ཆོ་ག་ཕུན་སུམ་ཚོགས།། མཁས་ལྡན་ཆེན་པོས་བསྒྲིམས་ཏེ་བྱ།། ཡང་ན་ཁྲུ་ནི་བཅུ་དྲུག་དང་།། ཉི་ཤུ་འམ་ནི་རྩ་ལྔར་བྱ།། རིགས་ཀྱི་དཀྱིལ་འཁོར་ལྔ་རྣམས་བསྒོམ།། སྐུ་གསུང་ཐུགས་ལྡན
iiif viewer powered by OpenSeadragon
