| e-texts navigator |
| Wylie |
220b1 ལན་གསུམ་གྱིས།། ཁྲོས་པས་གསོར་ལ་གང་བརྩོན་པས།། ཡིད་ལ་དམིགས་པའི་ལས་ཐམས་ཅད།། དབང་ཆེན་དཀྱིལ་འཁོར་ཉིད་དུ་འགྱུར།། དེ་ལས་གཏུམ་པའི་མདོག་གནག་སྟེ།། དྲག་ཏུ་ཕཊ་ཅེས་བརྗོད་པས
220b2 ནི།། ཁ་དོག་ནག་པོར་བདག་གནས་ཤིང་།། བསྐལ་པ་འབར་བའི་དབུས་གནས་པ།། ཁྲོས་ཏེ་དགུག་པ་ཉིད་དག་ཏུ།། རྒྱང་ནི་རིང་དུ་འཕང་ན་ནི།། ཅི་འདོད་ལས་རྣམས་འགྲུབ་པར་ངེས།། ཨོཾ་བཛྲ་ད་ཧ་ཛ་ལ་ཧ་ན
220b3 བཛྲ་པ་ཙ་ཛ་ལ་བཛྲ་ཧཱུཾ་ཕཊ།། ཆོས་ལ་བརྟན་པ་ཕྱག་བསྣམས་པ།། སྦུབས་ནི་དྲིལ་བུ་ཆོས་ཁམས་ཏེ།། ཤེས་རབ་ཡུམ་གྱི་ཚོགས་སུ་བརྟག། སྐད་ནི་གསུང་སྙན་བདེ་བ་མོ།། ལྕེ་ནི་གར་མཁན་མྱ་ངན་འདས།། ཆོས
220b4 སྐུ་ཐུགས་ཀྱི་ཐུགས་ཉིད་ལས།། རབ་ཏུ་གསོར་ལ་གང་བརྩོན་པས།། མཱཾ་ལ་སོགས་པའི་ཡི་གེ་བསྒོམ།། རྡོ་རྗེ་འཁོར་ལོ་པདྨ་འབར།། མཱཾ་གྱི་ཚོགས་ཀྱི་འཁོར་ལོ་ནི།། ཀུན་ཏུ་དབང་བསྒྱུར་ཡིད་འོང་བའི།། འདོད་པ
220b5 བཞིན་དུ་མཐུན་པས་འགྲུབ།། ཨོཾ་བཛྲ་གྷརྠེ་པ་བྷ་ཥ་ཡིན་ནམ། ཤ་དྷརྨ་དྷ་ར། ཧཱུཾ་ཧཱུཾ་ཧཱུཾ། ཞེས་བརྗོད་པས།། དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ལ་དགྱེས་པར་གྱུར་ཏོ།། གསང་བའི་སྙིང་པོ་དེ་ཁོ་ན
220b6 ཉིད་ངེས་པ་ལས། སྒྱུ་འཕྲུལ་ཆེན་པོ་ཐབས་དང་ཤེས་རབ་འབྱུང་བ་ཕྱག་མཚན་གྱི་ལེའུ་སྟེ་བཅུ་བདུན་པའོ།། །། དེ་ནས་དེ་བཞིན་གཤེགས་པ་དགྱེས་པ་ཆེན་པོ་རྡོ་རྗེ་གསང་བའི་དམ་ཚིག་བཀོད་པ་ལ་སྙོམས
iiif viewer powered by OpenSeadragon
