| e-texts navigator |
| Wylie |
219b1 དྲུག་པའོ།། །། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས། ཐབས་དང་ཤེས་རབ་འབྱུང་བ་ཞེས་བྱ་བ་འདི་ཆེད་དུ་བརྗོད་པ་འདི་བརྗོད་དོ།། དེ་ནས་ཡིད་དང་ཆོས་མཐུན་པར།། ཐུགས་ཀྱི་ཕྱག་རྒྱ་རྡོ་རྗེ
219b2 དང་།། ཤེས་རབ་དྲིལ་བུ་ཆོས་ལ་བརྟེན།། ཧཱུཾ་དང་མཱཾ་གྱི་སྙིང་པོར་འབར།། དེ་ལས་རྡོ་རྗེ་རྩེ་བཅུར་འབར།། ཨོཾ་དང་མཱཾ་གྱི་མཆོག་ཏུ་བརྟག། ཤེས་རབ་ཉི་ཟེར་ཟླ་རྒྱས་ཐབས།། འབར་བའི་ཕུང་པོ་ཆོས་ལ་བརྟེན།། དེ
219b3 ལས་གཟུང་ཐབས་གཉིས་ཀྱིས་ནི།། འབྲུ་ལྔ་ཕྱག་རྒྱ་ཉིད་དུ་སྟེ།། དེ་ལས་རྡོ་རྗེ་ཕྱག་བསྣམས་གསོར།། དེ་ལས་འཁོར་ལོ་ཕྱག་བསྣམས་གསོར།། དེ་ལས་ནོར་བུ་ཕྱག་བསྣམས་པ།། དེ་ལས་པདྨ་ཕྱག་བསྣམས
219b4 འཛིན།། དེ་ལས་རལ་གྲི་ཕྱག་བསྣམས་གཅོད།། དེ་ཉིད་རྡོ་རྗེ་ཕྱག་བསྣམས་པ།། ཐབས་ཆེན་དྲུག་ཏུ་ཡང་དག་གསོར།། དེ་ལས་རྡོ་རྗེ་གཟུང་ཐབས་གཉིས།། ཨོཾ་དང་མཱཾ་གྱིས་མཚོན་བཞིན་དུ།། རྡོ་རྗེ་རྩེ་བཅུ་ཐབས
219b5 ཆེན་པོ།། ཐུགས་ཀར་བསྟན་པའི་ཚུལ་དུ་འབར།། སངས་རྒྱས་རྡོ་རྗེ་སེམས་དཔའ་ཡི།། ཕྱག་ན་མི་འཇིགས་ཐུགས་ཀར་འཛིན།། མཱཾ་ལས་ཕྱག་རྒྱ་ཆེན་པོ་ནི།། དྲིལ་གསིལ་འབར་བས་སངས་རྒྱས་ཡུམ།། མཆོད་ནས
219b6 ཆོས་ལ་བརྟན་པར་འཛིན།། ཐམས་ཅད་ཀུན་ཏུ་ཕྱག་རྒྱ་ཡིས།། ཐབས་དང་ཤེས་རབ་རྡོ་རྗེ་འཆང་།། སྐུ་གསུང་ཐུགས་ནི་ཐམས་ཅད་པ།། ཡོན་ཏན་ཕྲིན་ལས་ཀུན་ཏུ་རྫོགས།། སྒྱུ་འཕྲུལ་དྲ་བ་བྱང་ཆུབ་པའི།། སངས
iiif viewer powered by OpenSeadragon
