| e-texts navigator |
| Wylie |
219a1 སངས་རྒྱས་ཡུམ་ཆེན་གྱིས།། ཉིད་ཀྱི་མཚན་དུ་གསོལ་བ་ནི།། ཅིས་ཀྱང་མི་ཤིགས་མི་ཕྱེད་ལ།། ཅིས་ཀྱང་མ་གཡོས་མ་འདྲེས་པས།། བདེ་ཆེན་ཡུམ་དུ་གྱུར་པས་ན།། ཀུན་ཀྱང་ཕྱག་རྒྱ་ཡུམ་ལྔས
219a2 གདབ།། མཱཾ་ཀུན་ཏུ་བཟང་མོའི་ཐུགས་ཉིད་ལས།། རྡོ་རྗེ་ཡུམ་ཆེན་ཐམས་ཅད་ཀྱི།། རང་གི་རྟགས་སུ་བརྟན་པའི་ཕྱིར།། མི་ཕྱེད་དྲིལ་བུ་འཆང་ཞེས་བྱ།། མཱཾ་ཇི་ལྟར་རྒྱལ་པོ་གནས་བཤམས་ཏེ།། རྒྱལ་པོའི་གཙིགས
219a3 ཆེན་བྱེད་པ་ལྟར།། བདེ་ཆེན་ཡུམ་དུ་གནས་པ་དང་།། དབང་ཆེན་འདུས་ལ་བརྩོན་པ་ཡིས།། ཐམས་ཅད་ཀུན་ལ་དེ་ལྟར་འདེབས།། འདའ་དཀའ་ཇི་བཞིན་མི་ཤིགས་པས།། རྒྱལ་པོའི་ཕྱག་རྒྱ་མཆོག་གི
219a4 གནས།། བདག་ཉིད་ཡུམ་ཆེན་མཚན་མའི་གཟུགས།། ཕྱག་རྒྱ་ཞེས་ནི་གྲགས་པ་ཡིན།། ཉིད་ཀྱི་ལུས་ནི་བརྟན་ཕྱིར་རོ།། མུཾ་དྲིལ་བུ་དྲིལ་བུ་དྲག་ཆེན་དང་།། ཡུམ་ཉིད་ཆེ་བའི་བདག་ཉིད་དང་།། འདུལ་བ་ཐབས་ཀྱི
219a5 རྒྱལ་མོ་ཡིས།། ཕྱེ་ཞིང་བཤིགས་དང་བཅོམ་ལ་སོགས།། དཀྲུགས་ཤིང་ཐལ་བ་རྡུལ་ཕྲན་བཞིན།། བཙན་ཞིང་འབར་བའི་འཕྲོ་འདུ་འདིས།། ཐམས་ཅད་དྲིལ་བུ་ཉིད་པས་ན།། ནམ་མཁའི་ཁམས་ཀྱང་བཀང་བ
219a6 ཡིན།། དེ་ལ་ཆོས་སྐུའི་གསུང་ཕྱུང་བ། མཱཾ་གྷཎྜེ་ཛ་ལཱ་ན་ལཱརྐ་མཱཾ། ཞེས་བརྗོད་པས། ཕྱག་རྒྱའི་ཚོགས་སུ་སྣང་བར་གྱུར་ཏོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས། མཚོན་ཆ་དམ་ཚིག་ཕྱག་རྒྱ་གླུའི་ལེའུ་སྟེ་བཅུ
iiif viewer powered by OpenSeadragon
