| e-texts navigator |
| Wylie |
218b1 ནི།། ཅིས་ཀྱང་མི་ཤིགས་མི་ཕྱེད་ལ།། ཅིས་ཀྱང་མ་གཡོས་མ་འདྲེས་པ།། བདེ་ཆེན་མཆོག་ཏུ་གྱུར་པས་ན།། ཀུན་ཀྱང་ཕྱག་རྒྱ་བཞི་རྒྱས་གདབ།། ཧཱུཾ་རྒྱལ་བ་རྣམས་ཀྱི་ཐུགས་ཉིད་ལས།། རལ་གྲི་འཆང་རྒྱལ་ཐམས
218b2 ཅད་ཀྱི།། རང་གི་རྟགས་སུ་བསྟན་པའི་ཕྱིར།། མི་ཕྱེད་རལ་གྲི་འཆང་ཞེས་བྱ།། ཧཾ། ཇི་ལྟར་རྒྱལ་པོ་རང་གི་རྒྱས།། རྒྱལ་པོའི་གཙིགས་ནི་བཏབ་པ་བཞིན།། བདེ་ཆེན་སྙིང་ལ་གནས་པ་དང་། དབང་ཆེན་འདུས་ལ
218b3 བརྩོན་པ་ཡིས།། ཐམས་ཅད་ཀུན་ལ་དེ་ལྟར་འདེབས།། འདའ་དཀའ་ཇི་བཞིན་མི་ཤིགས་པས།། རྒྱལ་པོའི་ཕྱག་རྒྱ་མཆོག་གི་གནས།། བདག་ཉིད་ཆེན་པོ་མཚན་མའི་གཟུགས།། ཕྱག་རྒྱ་ཞེས་ནི་གྲགས་པ
218b4 ཡིན།། ཉིད་ཀྱི་ལུས་ནི་བརྟན་ཕྱིར་རོ།། ཧཾ་རལ་གྲི་རལ་གྲི་དྲག་ཆེན་དང་།། རང་ཉིད་ཆེ་བའི་བདག་ཉིད་དང་།། འདུལ་བ་ཐབས་ཀྱི་རྒྱལ་པོ་ཡིས།། ཕྱེ་ཞིང་བཤིགས་དང་བཅོམ་ལ་སོགས།། དཀྲུགས་ཤིང་ཐལ་བ
218b5 རྡུལ་ཕྲན་བཞིན།། བཙན་ཞིང་འབར་བའི་འཕྲོ་འདུ་འདིས།། ཐམས་ཅད་རལ་གྲི་ཉིད་པས་ན།། ནམ་མཁའི་ཁམས་ཀུན་གང་བ་ཡིན།། དེ་ལས་ཕྲིན་ལས་གསུང་ཕྱུང་བ།། ཧཱུཾ་ཀརྨྨ་ཛ་ལཱ་ན་ལཱརྐ་ཧཱུཾ་ཕཊ། མུཾ་ལུས་ངག
218b6 ད་གསུམ་དྲིལ་བུ་ནི།། སྐུ་གསུང་ཐུགས་ཀྱི་ཡེ་ཤེས་ཏེ།། སྐུ་གསུང་ཐུགས་ཀྱི་ཡེ་ཤེས་ནི།། ཀུན་ཏུ་བཟང་མོ་བསྙེམས་མ་ཡིན།། ཀུན་ཏུ་བཟང་མོར་རང་གནས་པས།། ཡེ་ཤེས་དྲིལ་བུར་གསིལ་ཞིང་སྤྲོ།། ཨེ་མ་ཧོ
iiif viewer powered by OpenSeadragon
