| e-texts navigator |
| Wylie |
217b1 གདབ།། ཨཱཾ། རྒྱལ་བ་རྣམས་ཀྱི་ཐུགས་ཉིད་ལས།། པདྨ་འཆང་རྒྱལ་ཐམས་ཅད་ཀྱི།། རང་གི་རྟགས་སུ་བསྟན་པའི་ཕྱིར།། མི་ཕྱེད་པདྨ་འཆང་ཞེས་བྱ།། ཨཱཾ་ཇི་ལྟར་རྒྱལ་པོ་རང་གི་རྒྱས།། རྒྱལ་པོའི་གཙིགས་ནི
217b2 བཏབ་པ་ལྟར།། བདེ་ཆེན་སྙིང་ལ་གནས་པ་དང་།། དབང་ཆེན་འདུས་ལ་བརྩོན་པ་ཡིས།། ཐམས་ཅད་ཀུན་ལ་དེ་ལྟར་འདེབས།། འདའ་དཀའ་ཇི་བཞིན་མི་ཤིགས་པ།། རྒྱལ་པོའི་ཕྱག་རྒྱ་མཆོག་གི་གནས།། བདག
217b3 ཉིད་ཆེན་པོ་མཚན་མའི་གཟུགས།། ཕྱག་རྒྱ་ཞེས་ནི་གྲགས་པ་ཡིན།། ཉིད་ཀྱི་ལུས་ནི་བརྟན་ཕྱིར་རོ།། ཨཱཾ་པདྨ་དགྲ་སྟ་དྲག་ཆེན་དང་།། རང་ཉིད་ཆེ་བའི་བདག་ཉིད་དང་།། འདུལ་བ་ཐབས་ཀྱི་རྒྱལ་པོ་ཡིས།། ཕྱེ་ཞིང
217b4 བཤིགས་དང་བཅོམ་ལ་སོགས།། དཀྲུགས་ཤིང་ཐལ་བ་རྡུལ་ཕྲན་བཞིན། བཙན་ཞིང་འབར་བའི་འཕྲོ་འདུ་འདིས།། ཐམས་ཅད་པདྨ་ཉིད་པས་ན།། ནམ་མཁའི་ཁམས་ཀུན་བཀང་བ་ཡིན།། དེ་ལ་པདྨའི་གསུང་ཕྱུང
217b5 བ། ཨོཾ་པདྨ་ཛྭ་ལཱ་ན་ཀ་ན་ཨཱཾ་ཕཊ། སྟྭཾ། ལུས་ངག་ཡིད་གསུམ་རིན་ཆེན་ནི།། སྐུ་གསུང་ཐུགས་ཀྱི་ཡེ་ཤེས་ཏེ།། སྐུ་གསུང་ཐུགས་ཀྱི་ཡེ་ཤེས་ནི།། ཡོན་ཏན་ཆེན་པོ་དཔའ་བོ་ཡིན།། རིན་ཆེན་སེམས་དཔའ་རང་གནས
217b6 པས།། ཡེ་ཤེས་དབྱུག་པ་གསོར་ཞིང་སྤྲོ།། ཨེ་མ་ཧོ་རིན་ཆེན་ཆེ་མཆོག་གིས།། ཉིད་ཀྱི་མཚན་དུ་གསོལ་བ་ནི།། ཅེས་ཀྱང་མི་ཤིགས་མི་ཕྱེད་ལ།། ཅིས་ཀྱང་མ་གཡོས་མ་འདྲེས་པས།། བདེ་ཆེན་མཆོག་ཏུ་གྱུར་པས
iiif viewer powered by OpenSeadragon
