| e-texts navigator |
| Wylie |
217a1 རྒྱལ་ཐམས་ཅད་ཀྱི།། རང་གི་རྟགས་སུ་བསྟན་པའི་ཕྱིར།། མི་ཕྱེད་འཁོར་ལོ་འཆང་ཞེས་བྱ།། ཨོཾ་ཇི་ལྟར་རྒྱལ་པོ་རང་གི་རྒྱས།། རྒྱལ་པོའི་གཙིགས་ནི་བཏབ་པ་ལྟར།། བདེ་ཆེན་སྙིང་ལ་གནས་པ
217a2 དང་།། དབང་ཆེན་འདུས་ལ་བརྩོན་པ་ཡིས།། ཐམས་ཅད་ཀུན་ལ་དེ་ལྟར་འདེབས།། འདའ་བཀའ་ཇི་བཞིན་མི་ཤིགས་པས།། རྒྱལ་པོའི་ཕྱག་རྒྱ་མཆོག་གི་གནས།། བདག་ཉིད་ཆེན་པོ་མཚན་མའི་གཟུགས།། ཕྱག
217a3 རྒྱ་ཞེས་ནི་གྲགས་པ་ཡིན།། ཉིད་ཀྱི་ལུས་ནི་བརྟན་ཕྱིར་རོ།། ཨོཾ་འཁོར་ལོ་འཁོར་ལོ་དྲག་ཆེན་དང་།། རང་ཉིད་ཆེ་བའི་བདག་ཉིད་དང་།། འདུལ་བའི་ཐབས་ཀྱི་རྒྱལ་པོ་ཡིས།། ཕྱེ་ཞིང་བཤིགས་དང་བཅོམ་ལ
217a4 སོགས།། དཀྲུགས་ཤིང་ཐལ་བ་རྡུལ་ཕྲན་བཞིན།། བཙན་ཞིང་འབར་བའི་འཕྲོ་འདུ་འདིས།། ཐམས་ཅད་འཁོར་ལོ་ཉིད་པས་ན།། ནམ་མཁའི་ཁམས་ཀུན་བཀང་བ་ཡིན།། དེ་ལས་འཁོར་ལོ་གསུང་ཕྱུང་བ།། ཨོཾ་ཙཀྲ
217a5 ཛྭ་ལཱ་ན་ལཱརྐ་ཨོཾ་ཕཊ། ཨཱཾ། ལུས་ངག་ཡིད་གསུམ་པདྨ་ནི། སྐུ་གསུང་ཐུགས་ཀྱི་ཡེ་ཤེས་ཏེ།། སྐུ་གསུང་ཐུགས་ཀྱི་ཡེ་ཤེས་ནི།། པདྨ་སེམས་དཔའ་དཔའ་བོ་ཡིན།། པདྨ་སེམས་དཔར་རང་གནས་པས།། པདྨ་དགྲ་སྟ
217a6 གསོར་ཞིང་སྤྲོ།། ཨེ་མ་ཧོ་པདྨ་ཆེ་མཆོག་གིས།། ཉིད་ཀྱི་མཚན་དུ་གསོལ་བ་ནི།། ཅིས་ཀྱང་མི་ཤིགས་མི་ཕྱེད་ལ།། ཅིས་ཀྱང་མ་གཡོས་མ་འདྲེས་པས།། བདེ་ཆེན་མཆོག་ཏུ་གྱུར་པས་ན།། ཀུན་ཀྱང་ཕྱག་རྒྱ་བཞི་རྒྱས
iiif viewer powered by OpenSeadragon
