| e-texts navigator |
| Wylie |
216a1 མཆོག། མཐེའུ་ཆུང་རྒྱ་གྲམ་གནས་པར་བཤད། ཧ་ཧཱུཾ་ཨ་བྷཾ། ཕྱག་རྒྱ་བརྡ་ཚིག་ཆེན་པོ་འདིས།། སངས་རྒྱས་དཀྱིལ་འཁོར་མཛེས་པར་སྣང་།། རང་བཞིན་དཀྱིལ་འཁོར་ཕུན་སུམ་ཚོགས།། གླུ་གཉིས
216a2 ཕྱག་རྒྱ་ལྡན་པ་ཡི།། ས་ལེར་གསལ་བའི་དཀྱིལ་འཁོར་འབེབས།། ཕྱག་རྒྱ་སྤྲོས་པ་ཆེན་པོས་ནི།། གཟུང་དང་འཛིན་པ་རྣམ་པ་གཉིས།། དག་པར་གསལ་བས་ཕྱག་རྒྱ་ཡིན།། ཡི་གེ་སོ་སོར་གསལ་བ་ཡིས།། གར་དུ
216a3 བསྒྱུར་བས་མྱ་ངན་འདས།། ཛཿདང་ཧོཿལ་སོགས་པ་ཡིས།། གར་དུ་བསྒྱུར་བས་རྡོ་རྗེ་འཆིང་།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས། ཕྱག་རྒྱ་སྤྲོས་པའི་ལེའུ་སྟེ་བཅོ་ལྔ་པའོ།། །། དེ་ནས
216a4 བཅོམ་ལྡན་འདས་དཔལ་ཀུན་ཏུ་བཟང་པོས། མཚོན་ཆའི་དམ་ཚིག་ཅེས་བྱ་བའི་གླུ་འདི་བླངས་སོ།། ཧཱུཾ་ལུས་ངག་ཡིད་གསུམ་རྡོ་རྗེ་ནི།། སྐུ་གསུམ་ཐུགས་ཀྱི་ཡེ་ཤེས་ཏེ།། སྐུ་གསུང་ཐུགས་ཀྱི་ཡེ་ཤེས་ནི།། རྡོ་རྗེ
216a5 སེམས་དཔའ་དཔའ་བོ་ཡིན།། རྡོ་རྗེ་སེམས་དཔའ་རང་གནས་པས།། ཡེ་ཤེས་རྡོ་རྗེ་གསོར་ཞིང་སྤྲོ།། ཨེ་མ་ཧོ་རྡོ་རྗེ་ཆེ་མཆོག་གིས།། ཉིད་ཀྱི་མཚན་དུ་གསོལ་བ་ནི།། ཅིས་ཀྱང་མི་ཤིགས་མི་ཕྱེད་ལ།། ཅིས་ཀྱང་མ
216a6 གཡོས་མ་འདྲེས་པས།། བདེ་ཆེན་མཆོག་ཏུ་གྱུར་པས་ན།། ཀུན་ཀྱང་ཕྱག་རྒྱ་བཞི་རྒྱས་གདབ།། ཧཱུཾ་རྒྱལ་བ་རྣམས་ཀྱི་ཐུགས་ཉིད་ལ།། རྡོ་རྗེ་འཆང་རྒྱལ་ཐམས་ཅད་ཀྱི།། རང་གི་རྟགས་སུ་བསྟན་པའི་ཕྱིར།། མི་ཕྱེད
iiif viewer powered by OpenSeadragon
