| e-texts navigator |
| Wylie |
215b1 གཉིས་དྲུག་གི་འོད་འཕྲོ་འབར།། དེ་ལ་སོགས་ཏེ་བསམ་མི་ཁྱབ།། ཕྱོགས་བཅུ་དུས་བཞི་བསམ་ཡས་སུ།། འདུལ་བའི་དོན་རྣམས་སོ་སོར་སྟོན།། ཐེག་པ་མཐོ་དམན་ཐམས་ཅད་དང་།། ཕྱིན་ཅི་ལོག་རྣམས་བསམ
215b2 ཡས་དང་།། ཞི་ཁྲོའི་ཚོགས་ཆེན་ཐམས་ཅད་ལ།། སོ་སོར་མཐུན་བྱས་ཀུན་ཏུ་སྣང་།། དཔེར་ན་གར་མཁན་ཉིད་འདྲ་བ།། ལུས་ལས་མ་བཀོད་སྣ་ཚོགས་སྟོན།། མདོར་ན་ཕྱག་རྒྱ་ཐམས་ཅད་ནི།། འདི་ཞེས་གཅིག།
215b3 ཅེས་བརྗོད་དུ་མེད།། གཉིས་དང་གསུམ་དུ་རྣམ་པར་འཕྲོ།། བསྐྱོད་དང་འཕྲོ་བའང་དེ་བཞིན་ཉིད།། མདོར་ན་བསྐུལ་བསྐྱོད་ཐམས་ཅད་ཀུན།། ཕྱག་རྒྱ་ཆེན་པོའི་ངང་དུ་གནས།། གནས་ཉིད་མི་གནས་གནས་པའང
215b4 མིན།། དེ་སྐད་དག་མཆོག་ཉིད་ཀྱིས་བཤད།། མཐེ་བོང་མཛུབ་མོ་རྡོ་རྗེ་འཛིན།། མཐེ་བོང་གུང་མོ་རྒྱལ་བ་འཛིན།། སྲིན་ལག་མཐེ་བོང་ཆགས་པ་ཆེ།། མཐེའུ་ཆུང་མཐེ་བོང་ལེགས་པ་མཆོག། ཧཱུཾ་ཧོ་མཛུབ་མོ་གཉིས
215b5 སྦྱར་རིན་ཆེན་མཆོག། གུང་མོ་གཉིས་སྦྱར་གཟི་བརྗིད་དོན།། སྲིན་ལག་གཉིས་སྦྱར་རྒྱལ་བའི་ཏོག། བཞད་པའི་སྒྲས་ནི་མཐེའུ་ཆུང་སྤྲད།། ཏྲཾ་ཏེ་ཧཱུཾ་ཧ། མཛུབ་མོ་སྟེང་འོག་ཆོས་ཀྱི་མཆོག། གུང་མོ་སྟེང་འོག་འཇམ
215b6 དཔལ་མཆོག། སྲིན་ལག་སྟེང་འོག་འཁོར་ལོ་མཆོག། མཐེའུ་ཆུང་སྟེང་འོག་སྒྲ་གསུང་ཡིན། ཧྲཱིཿབྷཾ་ཏྲཾ་ཧཽ། མཛུབ་མོ་རྒྱ་གྲམ་ལས་ཀྱི་མཆོག། གུང་མོ་རྒྱ་གྲམ་སྲུང་བར་བྱོས།། སྲིན་ལག་རྒྱ་གྲམ་གནོད་སྦྱིན
iiif viewer powered by OpenSeadragon
