| e-texts navigator |
| Wylie |
213a1 ཕཊ། ཨ་ཀརྨ་བཛྲ་གནྡྷ་བྷ་ཥཱ་པྲ་བྷཱ་ན་ཧཱུཾ་ཨ་ཨ་ཨ། ཞེས་བརྗོད་པས། ཕྱག་རྒྱ་གསུང་གི་དཀྱིལ་འཁོར་ཀུན་ཏུ་གསལ་བར་གྱུར་ཏོ།། འབར་བར་འགྱུར་ཏོ།། གསང་བའི་སྙིང་པོ་དེ་ཁོ་ན་ཉིད་ངེས་པ
213a2 ལས། དོན་དམ་པ་དང་ཀུན་རྫོབ་བྱང་ཆུབ་ཀྱི་སེམས་ལས་ཕྱག་རྒྱ་གསུང་གི་དཀྱིལ་འཁོར་རྫོགས་པའི་ལེའུ་སྟེ་བཅུ་གསུམ་པའོ།། །། དེ་ནས་བདེ་བཞིན་གཤེགས་པས་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་བསྟན
213a3 པ་ལས། ཆོས་ཐམས་ཅད་ནམ་མཁའ་དང་ཡུམ་གྱི་དབྱིངས་སུ་འདུས་པར་བསྟན་ནས་ཐམས་ཅད་དུ་བརྗོད་པ་འདི་བརྗོད་དོ། ཡང་དག་དོན་གྱི་གསང་མཆོག་ནི།། བདེ་བ་ཐུགས་ཀྱི་དཀྱིལ་འཁོར་ལ།། ངེས་པའི་དོན
213a4 ཆེན་བཞི་བཅུ་གཉིས།། ཡིད་བཞིན་རིན་ཆེན་གསལ་འབར་ཐིམ།། ཨ། ཐམས་ཅད་མ་ལུས་ཐིག་ལེའི་དབྱིངས།། སྐུ་ལྔའི་འོད་ཟེར་ཐིག་ལེ་ཀུན།། ཐམས་ཅད་ཡུམ་འགྱུར་དབྱིངས་སུ་ཐིམ།། གསལ་འབར་སྤྲིན་གྱི
213a5 དག་པོར་གྱུར།། བྱང་ཆུབ་སེམས་ཀྱི་ཐིག་ལེ་ནི།། ཀུན་ལ་ཁྱབ་ཅིང་མི་གནས་པ།། ཁ་དོག་གནས་དང་དབྱིབས་མ་ཡིན།། ཡོན་ཏན་མཆོག་གི་སྙིང་པོ་ནི།། རྟོག་གེའི་སྤྱོད་ཡུལ་ཡོངས་མ་ཡིན།། ཟབ་ཅིང་རྒྱ
213a6 རབ་སྦྱངས་པའི།། གསལ་ལྡན་བརྟན་པའི་སྤྱོད་ཡུལ་ཏེ།། གཞན་ནས་བཙལ་ཞིང་བརྟག་ཏུ་མེད།། ཐམས་ཅད་ནམ་མཁའི་མཚན་ཉིད་དེ།། སྣ་ཚོགས་འཇིག་རྟེན་བརྟན་གཡོ་དང་།། རྒྱལ་བ་སྔོན་བྱུང་ཐམས་ཅད
iiif viewer powered by OpenSeadragon
