| e-texts navigator |
| Wylie |
207b1 ཕྱིར་ཆེད་དུ་བརྗོད་པ་འདི་བརྗོད་དོ།། ཨེ་མ་ཧོ་ཡེ་ནས་རྣམ་དག་པའི།། ཐབས་དང་ཤེས་རབ་ལྡན་པར་གནས།། བྱང་ཆུབ་མཆོག་ཏུ་ཉི་ཟླ་ཤར།། དེ་ཉིད་བཞུགས་གནས་ཡིན་པར་གསུངས།། ཆོས་རྣམས་ཐམས་ཅད
207b2 བདག་མེད་པའི།། དབྱིངས་སུ་ཐིམ་པའི་འོད་ཟེར་གསལ།། གཅིག་དང་སྤྲོས་པ་ཐམས་ཅད་མེད།། དཀྱིལ་འཁོར་སྤྲོས་མེད་ཟླུམ་པོའི་ཚུལ།། ཡེ་ནས་མྱ་ངན་འདས་པའི་ཆོས།། ཡེ་ཤེས་རྒྱུ་དང་འབྲས་བུ
207b3 ལྡན།། ཐམས་ཅད་མཁྱེན་པའི་ཡེ་ཤེས་སྐུ།། ཆོས་ཀྱི་འཁོར་ལོ་ཡོངས་ཀྱིས་བསྐོར།། ཐུགས་རྗེའི་བྱིན་རླབས་འཕྲོས་པ་ཡི།། ཡེ་ཤེས་བཞི་ཡི་དཀྱིལ་འཁོར་སྤྲོ།། ཡེ་ཤེས་ལྔ་དང་སྐུ་གསུང་ཐུགས།། བྱིན་རླབས་ཡ
207b4 མཚན་བསམ་མི་ཁྱབ།། རང་སྣང་རིག་པའི་ཐབས་ལས་བྱུང་།། བསོད་ནམས་ཡེ་ཤེས་ཚོགས་རྫོགས་པའི།། ཐུགས་རྗེ་རྒྱས་པའི་གཞལ་ཡས་ཁང་།། དབུས་མཐའ་མེད་པར་རྒྱས་པར་གནས།། སྟོང་སྨོན་མཚན་མེད
207b5 འོད་གསལ་འཇུག། དེ་ཕྱིར་ཡེ་ཤེས་སྒོ་བཞིར་ཤར།། དེར་འགྲོ་ལམ་སྟེགས་བརྒྱད་དང་ལྡན།། རང་བཞིན་ཡེ་ནས་འོད་གསལ་ཕྱིར།། ཉི་ཟླ་བརྩེགས་པའི་གདན་ཁྲི་འབར།། ཡེ་ནས་རྣམ་པར་དག་པའི་ཕྱིར།། མ
207b6 ཆགས་པདྨ་འབར་བའི་གདན།། ཟག་མེད་ཡེ་ཤེས་གཏེར་གྱུར་པས།། ཡིད་བཞིན་རིན་ཆེན་འབར་བའི་གདན།། ཡེ་ནས་མཉམ་ཉིད་མི་འདའི་ཕྱིར།། ཏཱ་ལའི་རང་བཞིན་ལྗོན་ཤིང་གནས།། རེ་བ་ཡིད་བཞིན་སྐོང
iiif viewer powered by OpenSeadragon
