| e-texts navigator |
| Wylie |
205b1 འབྱིན་པར་སྐྱེད།། འདི་ནི་རྩ་གཅིག་ཡིན་པར་གསུངས།། གསང་བའི་དོན་མཆོག་འདི་དག་ནི།། ལྟ་བ་དམན་ལ་བཤད་བྱས་ན།། དུས་མིན་པར་ནི་སྲོག་ཟད་ནས།། མགོ་འགས་སྙིང་ཡང་འཚིག་པར་འགྱུར།། ཁབ
205b2 ལེན་གྱིས་ནི་ལྕགས་སྡུད་ལྟར།། མི་འདོད་བཞིན་དུ་དབང་མེད་པར།། ངན་སོང་བསྐལ་པར་ལྟུང་བར་འགྱུར།། དེ་བས་འདི་ནི་ཤིན་ཏུ་གསང་།། ཤེས་རབ་རྒྱ་ཆེན་བློ་ཟབ་པའི།། བློ་བརྟེན་སྙིང་རྗེ་དབང་ལྡན
205b3 དང་།། རང་བཞིན་ངང་ཚུལ་བཟང་ལ་བསྟན།། གཞན་དུ་སྦྱིན་པར་བྱ་བ་མིན།། ཞེས་ཉིད་ལ་ཉིད་བརྗོད་དོ།། ཤིན་ཏུ་ཟབ་པའི་ཕྱིར་རྒྱུད་གཞན་དུ་མ་བཤད་དོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས།།
205b4 གསང་བའི་དཀྱིལ་འཁོར་ཁམས་ཉི་ཤུ་རྩ་གཅིག་ཏུ། ཐམས་ཅད་མ་ལུས་དབྱིངས་སུ་བསྡུས་པའི་ལེའུ་སྟེ་བདུན་པའོ།། །། དེ་ནས་དེ་བཞིན་གཤེགས་པ་དགྱེས་པ་ཆེན་པོས། སྒྱུ་འཕྲུལ་དྲ་བའི་རྒྱལ་པོ་སྒྱུར་བ
205b5 ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་གསུངས་སོ།། རྒྱུ་གཅིག་པ་དང་ཡིག་འབྲུའི་ཚུལ།། བྱིན་གྱིས་བརླབ་དང་མངོན་སུམ་པར།། རབ་ཏུ་རྟོགས་པ་རྣམས་བཞི་ཡིས།། ཐམས
205b6 ཅད་མངོན་རྫོགས་རྒྱལ་པོ་ཆེ།། ཡན་ལག་དབང་པོ་རྣམ་ཤེས་ཀུན།། རྣམ་སྨིན་ཨོཾ་རུ་ཤེས་པར་བྱ།། རྫོགས་པའི་དཀྱིལ་འཁོར་ཉིད་དུ་བསྒོམ།། ཡང་ན་ཁྲོ་བོའི་དཀྱིལ་འཁོར་བསྒོམ།། གཟུགས་སྒྲ་དྲི་རོ་རེག་རྣམས
iiif viewer powered by OpenSeadragon
