| e-texts navigator |
| Wylie |
205a1 འབར།། དབྱངས་སྙན་ཡིད་འོང་གཟི་ལྡན་འབར།། གཟུགས་མཛེས་བསྐྱོད་པས་ཕྱོགས་བཅུར་གཡོ།། ཀུན་ཏུ་ཚིམས་བྱེད་དྲི་བསུང་ཐིམ།། ལྟར་མཛེས་རིན་ཆེན་ཕུང་པོ་འཕྲོ།། འོད་གསལ་འཕྲོ་བས
205a2 ཀུན་ཏུ་འབར།། བདུད་རྩི་བསིལ་དྲོད་འཇམ་པའི་དབྱིངས།། ཨ་ལ་ལ་ཧོ།། གསང་དབང་པདྨར་ལྡན་གྱུར་ནས།། ཆགས་པ་མེད་པའི་ཚུལ་གྱིས་སུ།། ཕ་རོལ་ཕྱིན་བཅུ་རྒྱུ་འབྲས་རྫོགས།། ས་བཅུ་རིམ་གྱིས་བགྲོད
205a3 མེད་རྫོགས།། ཀུན་ཏུ་འོད་གསལ་པདྨ་ཅན་ཡང་རྫོགས།། ཡི་གེ་ཕྲེང་བ་འཁོར་ལོ་བསམ་མི་ཁྱབ།། ཡང་དག་རྫོགས་ཆེན་ཐབས་དང་ལྡན།། ཐབས་དང་ཤེས་རབ་བླ་མེད་ས་ཡང་རྫོགས།། བསོད་ནམས་ཡེ་ཤེས
205a4 ཚོགས་ཆེན་རྫོགས་པར་རོལ།། ཨ་ལ་ལ་ཧོ།། དེ་བཞིན་ཉིད་ཀྱི་གསང་མཆོག་ལས།། ཁམས་ནི་ཉི་ཤུ་རྩ་གཅིག་སྟེ།། བཅོ་བརྒྱད་པོ་ནི་རྒྱུད་གཞན་བཞིན།། གསུམ་ནི་དེ་བཞིན་ཀུན་གྱི་བདག། བཅོ་བརྒྱད་འབྱུང་བའི
205a5 གནས་ཡིན་ཏེ།། བྱང་ཆུབ་འགྲུབ་པའི་གཞི་ཡང་ཡིན།། བདེ་བ་འབྱིན་པའི་རྒྱུ་ཡིན་ཏེ།། གསང་བའི་མཚན་ཉིད་བརྗོད་པ་ནི།། དབང་པོ་རྡོ་རྗེ་གསང་བའི་རྒྱལ།། ཡུལ་ནི་པདྨའི་བདེ་མཆོག་དབྱིངས།། སེམས་ནི་བྱང
205a6 ཆུབ་འབྱུང་བའི་གཏེར།། དབང་པོ་ཡུལ་སེམས་ལྡན་གྱུར་ན།། གསང་བ་མཆོག་འཕྲུལ་ཆེན་པོ་སྤྲོ།། དཀྱིལ་འཁོར་རྡུལ་སྙེད་གྲངས་མེད་དང་།། ཕུན་སུམ་ཚོགས་པའི་ལྷུན་གྲུབ་རྣམས།། གསང་དབང་མཆོག་གིས
iiif viewer powered by OpenSeadragon
