| e-texts navigator |
| Wylie |
203b1 འཇིགས་པར་བྱེད།། ཡ་ནི་སྐྱེ་བ་རྣམ་པར་དག། ཝ་ནི་གནས་པ་དག་པ་ཡིན།། ར་ནི་འཇིག་པ་དག་པ་སྟེ།། ལ་ནི་སྟོང་པ་དག་པའོ།། ཤ་ནི་རྟག་མེད་དག་པ་སྟེ། ཥ་ནི་ཆད་པ་ཡོད་མ་ཡིན།། ས་ནི་མཐའ་བྲལ་བདག
203b2 མེད་པ།། ཧ་ནི་མཚན་མ་མེད་པ་ཉིད།། ཀྵ་ནི་ཡེ་ཤེས་ཐུགས་ཀྱི་ཐུགས།། ཨི་ནི་རྡུལ་སྙེད་ལྷ་རྣམས་སུ།། ཨཱི་ནི་རྡུལ་སྙེད་ལྷ་མ་ཡིན།། ཨུ་ནི་རྡུལ་སྙེད་མི་རྣམས་སུ།། ཨཱུ་ནི་རྡུལ་སྙེད་བྱོལ་སོང་རྣམས།། ཨེ་ནི་རྡུལ་སྙེད
203b3 ཡི་དྭགས་སུ།། ཨེ་ནི་རྡུལ་སྙེད་དམྱལ་བ་རྣམས།། ཨོཾ་ནི་ཐམས་ཅད་འཇིག་པར་བྱེད།། ཨོཾ་ནི་ཐམས་ཅད་ཞིག་པ་ཡིན།། ཡི་གེ་འཁོར་ལོ་ཚོགས་ཆེན་འདིས།། སྐུ་གསུང་ཐུགས་ཀྱི་ཕྲེང་བ་བསྡུས།། ཞེས་བརྗོད
203b4 དོ།། ཨ་ཧོ།། དེ་ནས་དེ་བཞིན་གཤེགས་པ་བཙུན་མོའི་ཚོགས་དང་གཉིས་སུ་མེད་པའི་དཀྱིལ་འཁོར་དེ་དག་ཉིད་ཀྱི་གསང་བ་འདི་ཉིད།། སྐུ་གསུང་ཐུགས་དང་ཡོན་ཏན་ཕྲིན་ལས་རྡོ་རྗེ་ལས་ཕྱུང་ངོ་།། ཨ
203b5 ཧོ།། ཐབས་དང་ཤེས་རབ་དགྱེས་སྤྲིན་བྱང་ཆུབ་སེམས་ཚོགས་རྒྱུ་འཁོར་ལོ།། འབྲས་བུ་རྒྱལ་བ་སྨིན་གྲུབ་ངོ་མཚར་མིང་ཚོགས་བཞི་བཅུ་གཉིས།། འདུས་མ་བྱས་ཉིད་འདུས་བྱས་རྡོ་རྗེའི་དཀྱིལ་འཁོར་འབྱིན་པའི
203b6 དམ།། འདའ་བར་མི་མཛད་དབང་མེད་རྒྱུ་རྐྱེན་ཚོགས་པའི་མཐུ་ཆེན་ཡིན།། ཨ་ཧོ། ཞེས་རྡོ་རྗེ་གསང་བའི་ཚིག་ཏུའོ།། ཞེས་བརྗོད་པས། དེ་བཞིན་གཤེགས་པ་ཐམས་ཅད་ཡི་གེའི་འཁོར་ལོར་གྱུར་ཏོ།། གསང་བའི
iiif viewer powered by OpenSeadragon
