| e-texts navigator |
| Wylie |
201b1 འཇུག། དགེ་བཤེས་མི་སློབ་རང་གི་རིག་པས་རྟོགས།། བྱང་ཆུབ་སར་འགྲོ་ཡིད་བཞིན་བདེ་བའི་མཆོག། བདེན་བཞིའི་དོན་རྟོགས་རབ་ཏུ་སྤོང་བྱེད་ཅིང་།། ཡེ་ཤེས་བཅུ་དྲུག་ཆ་སྦྱངས་རབ་ཞི་བའི།། རྒྱུན་ཞུགས་ལ
201b2 སོགས་རིམ་པར་སྦྱངས་ནས་ནི།། ཉོན་མོངས་དགྲ་རྣམས་རབ་ཏུ་ཞི་བའི་ས་རུ་འགྲོ།། ཐེག་པ་གང་དུ་བསྟན་པ་མ་ངེས་པའི།། ཡང་ན་ཀུན་ལ་མཐུན་པས་འབྱམས་པར་འཇུག། ཡང་ན་ངེས་མེད་འདི་ཞེས་བརྟག་ཏུ
201b3 མེད།། འདི་ནི་མ་ངེས་རྡོ་རྗེ་འཆང་གིས་གསུང་།། དགེ་བཅུ་སྤྱོད་ཅིང་མི་དགེ་སྤོང་བྱེད་པ།། འདོད་ཁམས་ལྷ་དང་མི་རུ་སྐྱེ་བའི་རྒྱུ།། ཚད་མེད་བཞི་སྤྱོད་མི་གཡོ་སྒོམ་བྱེད་པ།། ཚངས་གནས་ལ་སོགས་སྐྱེ་བའི་རྒྱུ་ཡིན།
201b4 ནོ།། ཆོས་ཀྱི་དབྱིངས་ཀྱིས་ཀུན་ལ་ཁྱབ་གྱུར་ཀྱང་།། རང་རིག་རྟོགས་པའི་སྐལ་དང་མི་ལྡན་ན།། ཇི་ལྟར་དམུས་ལོང་མདུན་དུ་མདོག་བསྟན་བཞིན།། འདི་ནི་སྐལ་མེད་རིགས་ཆད་པ་ཡིན་ནོ།། ཆོས་ཀྱི་དབྱིངས་ཀྱིས
201b5 ཀུན་ལ་ཁྱབ་པ་ཡིས།། བླ་མེད་ཐེག་པ་བསམ་ཡས་གསུངས་པ་ཡང་།། སོ་སོ་རང་རང་བློ་ལ་སྣང་བར་ཟད།། ངན་སོང་འགྲོ་དྲུག་སྣ་ཚོགས་རྒྱུ་བ་ཡང་།། འཁྲུལ་པའི་ལོག་རྟོག་བློ་ཉིད་སྣང་བ་སྟེ།། དེ་བཞིན་ཉིད་ཀྱི
201b6 དབྱིངས་ལ་འགྱུར་བ་མེད།། མི་དམིགས་རང་རིག་གོམས་བྱས་བླ་ན་མེད་པའི་མཆོག། ལོག་རྟོག་བདག་དང་བདག་གིར་འཛིན་གྱུར་ན།། དངོས་མེད་མི་སྡུག་སྣ་ཚོགས་སྣང་བར་འགྱུར།། ཡང་དག་ཤེས་པའི་རང
iiif viewer powered by OpenSeadragon
