| e-texts navigator |
| Wylie |
199b1 བསམ་གྱིས་མི་ཁྱབ་པ་དང་ལྡན་པ། བསམ་གྱིས་མི་ཁྱབ་པ་གྲངས་མེད་པར་ཕྱོགས་བཅུར་སྣང་བར་གྱུར་ཏོ།། དེ་ལྟར་སྣང་བར་གྱུར་ནས། ཇི་སྙེད་པའི་ཐུབ་པ་ཆེན་པོ། སྙིང་རྗེའི་གོ་འཕང་ཆེན་པོ་ཐམས་ཅད་ཀྱང
199b2 འདི་ལྟ་སྟེ། འདུལ་བའི་དབང་གིས་ལྷ་དང་མིའི་ཐེག་པ་དང་། ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། བྱང་ཆུབ་སེམས་དཔའི་ཐེག་པ་དང་། བླ་ན་མེད་པའི་ཐེག་པས་མ་རིག་པའི་རྣམ་པར་རྟོག
199b3 པ་ཉོན་མོངས་པ་སྟོང་ཕྲག་བརྒྱད་ཅུ་རྩ་བཞིའི་གཉེན་པོར། ཆོས་ཀྱི་སྒོ་མོ་སྟོང་ཕྲག་བརྒྱད་ཅུ་རྩ་བཞི་གསུངས་སོ།། གསུང་ངོ་གསུང་བར་འགྱུར་རོ།། དེ་དག་ཐམས་ཅད་ཀྱང་། གཟུང་བ་དང་འཛིན་པའི་དབང་གིས
199b4 ཕྱི་ནང་གི་རྟེན་ཅིང་འབྲེལ་བར་འབྱུང་བ་འཛིན་པའི་འཁྲུལ་པ་ལས་ལྡོག་པ་དང་། ལས་དང་ལས་ཀྱི་འབྲས་བུ་ཆུད་མི་ཟ་བ་དང་། ལས་དང་ལས་ཀྱི་འབྲས་བུ་མི་གོས། གོས་པར་མི་འགྱུར་བ་དང་། གོས་སུ་མེད་པར
199b5 སྟོན་པའི་མཐར་ཐུག་གོ། དེ་ནས་དེ་བཞིན་གཤེགས་པ་ཐམས་ཅད་ཀྱིས། འཁོར་བའི་སྐྱོན་དང་། མྱ་ངན་ལས་འདས་པའི་ཡོན་ཏན་བསྟན་པའི་ཕྱིར། དེ་བཞིན་གཤེགས་པ་ཉིད་ལ་ཆེད་དུ་བརྗོད་པ་འདི་བརྗོད
199b6 དོ།། ཨེ་མ་ཧོ་དཀྱིལ་འཁོར་བསམ་ཡས་པ།། སྙིང་པོ་བླ་མེད་ཇི་སྙེད་པའི།། གཞན་གྱིས་མི་འཕྲོག་རང་བཞིན་རྒྱལ།། མཐའ་དང་བྲལ་བས་བདག་མེད་པའོ།། དེ་ནས་དེ་བཞིན་གཤེགས་པ་ཐམས་ཅད་ཀྱིས་ཆེད་དུ
iiif viewer powered by OpenSeadragon
