| e-texts navigator |
| Wylie |
197a1 ལ་འཇུག་པར་གྱུར་ཏེ། ཆེད་དུ་བརྗོད་པ་འདི་བརྗོད་དོ།། ཨོཾ་ཆོས་ཀྱི་ཆོས་ཉིད་བྱ་བའི་དབྱིངས།། ཀུན་ཏུ་བཟང་མོ་བདེ་བའི་ཡུམ།། མ་གཡོས་རང་བཞིན་དཀྱིལ་འཁོར་ནི།། བདག་ཡིན་བདག་གི་སྤྱོད
197a2 ཡུལ་བ།། ཕྱག་རྒྱ་སྣ་ཚོགས་སོ་སོར་གསལ།། ནུབ་ཕྱོགས་འོག་མིན་གནས་མཆོག་ཏུ།། མ་ཆགས་པདྨའི་གདན་བཏིང་བ།། དུས་གསུམ་རྒྱལ་བ་བཞུགས་པའི་གནས།། རྣམ་པར་ཐར་པའི་སྒོ་བཞི་ལ།། ཕྱག་རྒྱ་བཞི
197a3 དང་ཡང་དག་ལྡན།། དབང་དང་སྐལ་མིན་བསམ་པའི་རིག། ནང་དང་ཕྱི་རིམ་ལྕགས་དང་ལྡན།། རྒྱལ་བ་ཡོངས་ཀྱིས་སྦས་པ་ཡི།། སུས་ཀྱང་གཏིང་དཔག་དཀའ་བ་དེ།། ཀུན་ཏུ་བཟང་པོ་ཉིད་ཀྱིས་གཟིགས།། ཞེས
197a4 བརྗོད་པས། བཙུན་མོ་བྱ་བ་ཆོས་ཀུན་ཏུ་བཟང་མོ་ལ་འཇུག་པར་གྱུར་ཏོ།། ཞུགས་ནས་བཙུན་མོ་བྱ་བ་ཆོས་ཀུན་ཏུ་བཟང་མོས།། བཅོམ་ལྡན་འདས་ཡིད་ཀུན་ཏུ་བཟང་པོ་དང་གཉིས་སུ་མེད་པའི་ལོངས་སྤྱོད་བདེ་བ
197a5 མཉམ་པར་གནས་ཏེ། ཆེད་དུ་བརྗོད་པ་འདི་བརྗོད་དོ།། སེམས་ཀྱི་སེམས་ཉིད་བྱེད་པའི་གཙོ།། ཀུན་ཏུ་བཟང་པོ་རྡོ་རྗེའི་ཡིད།། ཡེ་ཤེས་དྲུག་གི་རང་བཞིན་ཏེ།། ཤར་ཕྱོགས་མངོན་དགའ་བསམ་ཡས་ན།། ནི་ལ
197a6 ལྟ་བུར་གཏེར་འབྱིན་པ།། གསང་འདུས་འཕྲུལ་གྱི་ལྡེ་མིག་གིས།། རྣམ་པར་ཐར་པའི་སྒོ་ཕྱེ་ནས།། བྱང་ཆུབ་མཆོག་གི་ནང་གཏན་དགྲོལ།། མཉམ་སྦྱོར་པདྨའི་གདན་ལ་བཞུགས།། འགྲོ་དོན་བྱང་ཆུབ་སེམས་བསྐྱེད
iiif viewer powered by OpenSeadragon
