| e-texts navigator |
| Wylie |
193a1 དམ་དུ་ལན་གསུམ་དུ་ཁ་ཏོན་དུ་བྱས་ཏེ་བཏོན་ཏམ། གླེགས་བམ་དུ་བྱས་པ་ཀློག་ཅིང་བརྗོད་ལ། བཅོམ་ལྡན་འདས་འཇམ་དཔལ་ཡེ་ཤེས་སེམས་དཔའི་གཟུགས་ཡིད་ལ་དམིགས་ཤིང་། གཟུགས
193a2 དང་མཐུན་པར་སེམས་ཏེ། དེའི་གཟུགས་དང་མཐུན་པ་བསམ་གཏན་བྱེད་པས་ནི། འདུལ་བའི་དབང་གི་ཕྱིར། རིང་པོར་མི་ཐོགས་པར་དེ་ཉིད་ཀྱི་སྤྲུལ་པའི་གཟུགས་ཀྱི་སྐུ་མཐོང་བར་འགྱུར་རོ།། སངས་རྒྱས་དང
193a3 བྱང་ཆུབ་སེམས་དཔའ་ཐམས་ཅད་ཀྱི་གཟུགས་ཀྱི་སྐུ་རྣམ་པ་སྣ་ཚོགས་དང་ལྡན་པ། ནམ་མཁའི་དཀྱིལ་ན་བཞུགས་པ་དག་ཀྱང་མཐོང་བར་འགྱུར་རོ།། སེམས་ཅན་ཆེན་པོ་དེ་ནི་ནམ་ཡང་ཅི་ལྟར་གྱུར་ཀྱང་ངན་འགྲོ།
193a4 ངན་སོང་དུ་ལྟུང་བར་མི་འགྱུར་རོ།། རིགས་ངན་དུ་སྐྱེ་བར་མི་འགྱུར་རོ།། ཡུལ་མཐའ་འཁོབ་ཏུ་སྐྱེ་བར་མི་འགྱུར་རོ།། དབང་པོ་མ་ཚང་བར་མི་འགྱུར་རོ།། ལོག་པར་བལྟ་བ་དང་། བལྟ་བ་ངན་པའི་རིགས་སུ་སྐྱེ་བར
193a5 མི་འགྱུར་རོ།། སངས་རྒྱས་མི་བཞུགས་པའི་སངས་རྒྱས་ཀྱི་ཞིང་དུ་སྐྱེ་བར་མི་འགྱུར་རོ།། སངས་རྒྱས་བཞུགས་ན་ཡང་དེས་དམ་པའི་ཆོས་སྤང་བ་དང་། ལྷ་ཚེ་རིང་པོའི་ནང་དུ་སྐྱེ་བར་མི་འགྱུར་རོ།། མུ་གེ་དང་ནད
193a6 དང་། མཚོན་གྱི་བར་གྱི་བསྐལ་བའི་ནང་དུ་ཡང་སྐྱེ་བར་མི་འགྱུར་རོ།། སྙིགས་མ་ལྔའི་དུས་སུ་ཡང་སྐྱེ་བར་མི་འགྱུར་རོ།། རྒྱལ་པོ་དང་། དགྲ་དང་། ཆོམ་རྐུན་གྱི་འཇིགས་པ་ཡང་འབྱུང་བར་མི་འགྱུར་རོ།། ཅི་ནས
iiif viewer powered by OpenSeadragon
