| e-texts navigator |
| Wylie |
192b1 ཁྲི་ལམ་དང་། སྲང་དང་། བཞི་མདོ་དང་། སུམ་མདོ་དང་། གྲོང་བར་དང་། ཚོང་ཁང་ན་འདུག་ཀྱང་རུང་། ཁང་སྟོང་དང་། རི་དང་། ཆུ་ཀླུང་དང་། ཚལ་དང་། ནགས་ཚང་ཚིང་ན་འདུག་ཀྱང་རུང་། གཙང་སྦྲ་མ་བྱས
192b2 པ་དང་། ར་རོ་བ་དང་། བག་མེད་པར་འདུག་ཀྱང་རུང་སྟེ། རྟག་ཏུ་རྣམ་པ་ཐམས་ཅད་དུ་ཅིའི་སྒོ་ནས་ཀྱང་མཆོག་ཏུ་སྲུང་བ་དང་། སྐྱོབ་པ་དང་། སྦེད་པར་བྱེད་དོ།། ཉིན་མཚན་དུ་ཡང་མཆོག་ཏུ་བདེ་ལེགས་སུ་འགྱུར
192b3 བར་བྱེད་དོ།། གང་ཡང་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་གཞན་དག་ཀྱང་། གཟའ་དང་། རྒྱུ
192b4 སྐར་དང་། མ་མོ་རྣམས་དང་། ཚོགས་ཀྱི་བདག་པོ་གཞན་རྣམས་དང་། མ་མོ་བདུན་པོ་གང་ཡིན་པ་རྣམས་དང་། གནོད་སྦྱིན་མོ་དང་། སྲིན་མོ་དང་། ཤ་ཟ་མོ་གང་ཡིན་པ་དེ་དག་ཐམས་ཅད་ཀྱང་འདུས་ཤིང་གཅིག
192b5 ཏུ་མཐུན་པར་དཔུང་དང་བཅས། འཁོར་དང་བཅས་པས་སྲུང་བ་དང་། སྐྱོབ་པ་དང་། སྦེད་པ་ཐམས་ཅད་བྱེད་པར་འགྱུར་རོ།། མདངས་དང་། སྟོབས་དང་། གཟི་བརྗིད་མཆོག་ཀྱང་དེའི་ལུས་ལ་འཇུག་པར་བྱེད
192b6 དོ།། ནད་མེད་པ་དང་། སྟོབས་དང་ཚེ་འཕེལ་བར་ཡང་འགྲུབ་པར་བྱེད་དོ།། ལག་ན་རྡོ་རྗེ་རྡོ་རྗེ་འཆང་། གཞན་ཡང་མིང་གི་གཙུག་གི་ནོར་བུ་འདི། གང་གིས་ཉིན་གཅིག་བཞིན་དུ་དུས་གསུམ་དུ་མ་ཉམས་པར་ཡི
iiif viewer powered by OpenSeadragon
