| e-texts navigator |
| Wylie |
191a1 བྲལ་བའི་ཕྱིར། གཉིས་སུ་མེད་པའི་ཆོས་ཉིད་དོ།། སྒྲོ་བཏགས་པ་མེད་པའི་ཕྱིར། དེ་བཞིན་ཉིད་ཀྱི་རང་བཞིན་དང་། གཞན་མ་ཡིན་པའི་ཆོས་ཉིད་དོ།། དེ་བཞིན་གཤེགས་པའི་ཡེ་ཤེས་ཡོངས་སུ་དག
191a2 པའི་ངོ་བོ་ཉིད་ཡིན་པའི་ཕྱིར། ཡང་དག་པའི་མཐའི་རང་བཞིན་ཉིད་དོ།། བལྟ་བ་ངན་པའི་ཚང་ཚིང་བརྒྱ་སྟོང་མ་ལུས་པར་སེལ་བའི་ཕྱིར། རྣམ་པ་ཐམས་ཅད་རྣམ་པ་མེད་པ་སྟོང་པ་ཉིད་ཀྱི་རང་བཞིན་ཉིད་དོ།། མིང
191a3 ཡང་དག་པར་བརྗོད་པ་འདི་ནི། འདི་ལྟ་སྟེ། གཉིས་སུ་མེད་པའི་ཆོས་ཉིད་ཀྱི་མིང་ཡང་དག་པར་འཛིན་པ་སྟོན་པའི་ཕྱིར། ཆོས་ཐམས་ཅད་བརྗོད་དུ་མེད་པའི་རང་བཞིན་ཉིད་དོ།། ལག་ན་རྡོ་རྗེ་རྡོ་རྗེ་འཆང་། གཞན
191a4 ཡང་རིགས་ཀྱི་བུའམ། རིགས་ཀྱི་བུ་མོ་གསང་སྔགས་ཀྱི་སྒོའི་སྤྱད་པ་སྤྱོད་པ་གང་ལ་ལ་བཅོམ་ལྡན་འདས་འཇམ་དཔལ་ཡེ་ཤེས་སེམས་དཔའ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་སྐུ། གཉིས་སུ་མེད་པའི
191a5 ན་དམ་པའི་མིང་ཡང་དག་པར་བརྗོད་པ། མིང་གི་གཙུག་གི་ནོར་བུ་འདི་ཐམས་ཅད་ཡོངས་སུ་རྫོགས་པ་དང་། མ་ཉམས་ཤིང་ལྷག་ཆད་མེད་པར་ཚིགས་སུ་བཅད་པའི་ཚིག་དང་། ཡིག་འབྲུ་འདི་ཉིད་ཀྱིས་ཉིན
191a6 གཅིག་བཞིན་དུ་དུས་གསུམ་དུ་འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། ཚུལ་བཞིན་དུ་ཡིད་ལ་བྱེད་པ་དང་། གཞན་དག་ལ་ཡང་དམ་ཚིག་བཞིན་དུ། ཅི་ལྟ་བ་བཞིན་དུ་སྟོན་པ་དང་། མིང་གི་དོན
iiif viewer powered by OpenSeadragon
